Read Time:2 Minute, 27 Second
(ފޮޓޯ ކްރެޑިޓްސް: ވަގުތު)
ރައީސް ޑރ. މުހައްމަދު މުއިއްޒު، ހއ. ހޯރަފުއްޓަށް ވަޑައިގަތުމުން އެމަނިކުފާނަށް މަރުހަބާ ކިޔަން އެ ރަށުގެ ގިނަ ބަޔަކު ނުކުމެއްޖެއެވެ. ހއ. އަތޮޅުގެ ރަށްތަކުގެ ތެރެއިން އެންމެ ގިނަ އިން މީހުން ދިރިއުޅޭ އެއް ރަށް ކަމުގައިވާ ހޯރަފުއްޓަށް ވަޑައިގަތީ މިރޭ އިރާކޮޅުގެ ވަގުތެއްގައެވެ.
(ފޮޓޯ ކްރެޑިޓްސް: ވަގުތު)
އެ ވަގުތުގައި ވެސް ވަރަށް ގިނަ އަދަދެއްގެ ބަޔަކު އެމަނިކުފާނަށް މަރުހަބާ ދެންނެވުމަށް ބަނދަރު ސަރަހައްދަށް އެއްވިއެވެ. އަދި އެމީހުންނާ ސަލާމް ކުރެއްވުމަށް ރައީސް ޑރ. މުއިއްޒު ގާތްގަނޑަކަށް 15 ވަރަކަށް މިނެޓު ހޭދަކުރެއްވިއެވެ. ހޯރަފުއްޓަށް ރައީސް މި ކުރެއްވި ދަތުރުފުޅުގައި އެ ރަށުގައި އިމާރާތްކޮށްފައިވާ ހާފްވޭ ހައުސް ހުޅުއްވައި ދެއްވިއެވެ.
(ފޮޓޯ ކްރެޑިޓްސް: ވަގުތު)
ރައީސްގެ މި ދަތުރުފުޅަކީ ރާއްޖޭގެ ހުރިހާ އަތޮޅަކަށް ޒިޔާރަތްކުރެއްވުމަށާއި، އަތޮޅުތަކާ، ރަށްތަކާ، އަދި ސިޓީތަކުގެ ލޯކަލް ކައުންސިލުތަކާ ބައްދަލުކުރެއްވުމަށް ކުރިޔަށްގެންދަވާ ސިލްސިލާ ދަތުރުފުޅުތަކުގެ ތެރޭގައި ހިމެނިގެން ކުރައްވާ ދަތުރުފުޅެކެވެ. މި ދަތުރުފުޅުގައި ރައީސްގެ އަރިހުގައި ވަޒީރުންގެ މަޖިލީހުގެ ބައެއް ވަޒީރުންނާއި ސަރުކާރުގެ ބައެއް މުއައްސަސާތަކުގެ އިސްވެރިން ބައިވެރިވެވަޑައިގަންނަވައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0