Read Time:3 Minute, 57 Second
(ފޮޓޯ ކްރެޑިޓްސް: ވަގުތު)
ރައީސް ޑރ. މުހައްމަދު މުއިއްޒު، ހއ. އިހަވަންދު އަށް މިއަދު ވަޑައިގަތުމުން އެމަނިކުފާނަށް މަރުހަބާ ކިޔަން އެ ރަށުގެ ގިނަ ބަޔަކު ނުކުމެއްޖެއެވެ. ހއ. އަތޮޅުގެ ރަށްތަކުގެ ތެރެއިން އެންމެ ގިނަ އިން މީހުން ދިރިއުޅޭ އެއް ރަށް ކަމުގައިވާ އިހަވަންދު އަށް ރައީސް ޑރ. މުއިއްޒު ވަޑައިގަތީ އިއްޔެ ހަވީރެވެ.
(ފޮޓޯ ކްރެޑިޓްސް: ވަގުތު)
އިހަވަންދު އަށް ވަޑައިގަތުމުން ރައީސް ޑރ. މުއިއްޒަށް އެންމެ ފުރަތަމަ މަރުހަބާ ދެންނެވީ އެ ދާއިރާގެ ޕީއެންސީގެ މެމްބަރު އަހުމަދު ނަސީރާއި އިހަވަންދޫގެ ކައުންސިލް މެމްބަރުންނާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ މެމްބަރުންނެވެ. ރައީސަށް މަރުހަބާ ކިޔުމަށް އިވަންދޫގެ ކުދިބޮޑު ގިނަ ބަޔަކު ބަނދަރު ސަރަހައްދަށް ޖަމާވިއެވެ. ބަނދަރުން ފެށިގެން ރަށުގެ ގާތްގަނޑަކަށް މެދަކާ ހިސާބަށް ސަފުތައް އޮތީ ދަމާލައިފައެވެ. އެމީހުންނާ ސަލާމް ކުރެއްވުމަށް ރައީސް ޑރ. މުއިއްޒު 15 ވަރަކަށް މިނެޓު ވަނީ ހޭދަކުރައްވައިފައެވެ.
(ފޮޓޯ ކްރެޑިޓްސް: ވަގުތު)
ސަފުގައި ހުރި މީހަކު ކިޔައި ދިން ގޮތުގައި އިހަވަންދޫގެ ރައްޔިތުންގެ ހާއްސަ ލޯތްބެއް އޮތީ ރައީސް ޑރ. މުއިއްޒަށް ދެވިފައެވެ. އެމީހުންގެ އުންމީދުތަކުގައި ކުލަ ޖައްސައި ދެއްވާނެ ވެރިއަކީ ރައީސް ޑރ. މުއިއްޒު ކަމަށް ވެސް އެ މީހާ ބުންޏެވެ. ރައީސް ޑރ. މުއިއްޒު އިހަވަންދު އަށް ވަޑައިގަތުމުން އެ ރަށުން ހޫނު މަރުހަބާއެއް ކިޔާފައިވެއެވެ. ރައީސް އިހަވަންދު އަށް ކުރައްވާ ދަތުރުފުޅުގައި އެ ރަށުގައި ފިޝަރީޒް ކޮމްޕްލެކްސްގެ ބިންގާ އެޅުމަށް ވަނީ ހަމަޖެހިފައެވެ. އަދި ރަށުގައި ހެދި ފުޓްސަލް ދަނޑާއި ވޮލީ ކޯޓު ރައީސް ހުޅުއްވައި ދެއްވާ އިރު، އެމަނިކުފާނު ރަށު ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީއާ ބައްދަލު ކުރައްވާނެއެވެ.
އެންމެ ފަހު ކަމަކަށް އޮންނާނީ އެ ރަށުގެ ރައްޔިތުންނާ ބައްދަލު ކުރެއްވުމެވެ. އެ ބައްދަލުވުމުގައި އިހަވަންދޫގައި ޕާސްޕޯޓް ހިދުމަތާއި އައިޑީ ކާޑްގެ ހިދުމަތް ރަސްމީކޮށް ފެށުމަށް ހަމަޖެހިފައިވެއެވެ. އޭގެ ކުރިން ރަށުގެ މަސްވެރިންނާ ވެސް އެމަނިކުފާނު ބައްދަލު ކުރައްވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0