Read Time:2 Minute, 19 Second
ކައުންސިލްތަކުން ތަހުގީގީ އިދާރާތަކަށް އެއްބާރުލުން ދިނުމަށް ލޯކަލް ގަވަމަންޓް އޮތޯރިޓީ (އެލްޖީއޭ) އިން އެދިއްޖެއެވެ. އެލްޖީއޭއިން މިގޮތަށް އެދިފައިމިވަނީ، ގދ. ތިނަދޫ ކައުންސިލުން އެންޓި ކޮރަޕްޝަން ކޮމިޝަން (އޭސީސީ) އިން ކުރަމުންދާ ތަހުގީގަށް އެއްބާރުލުން ނުދޭ ކަމަށް ބުނެފައިވާ ދަނޑިވަޅެއްގައެވެ. ތިނަދޫ ސިޓީ ކައުންސިލުން ބުނީ އޭސީސީގެ ނަމުގައި ބަޔަކު ތިނަދޫ ސިޓީ ކައުންސިލަށް ވަދެ، ގިނަ އަދަދެއްގެ ތަކެތި ވަގަށް ނަގާފައިވާ ކަމަށެވެ. އަދި އެ މައްސަލަ އެރަށު ކައުންސިލުން ފުލުހަށްވެސް ވަނީ ހުށަހަޅާފައެވެ.
އެކަމާއި ގުޅިގެން އެލްޖީއޭއިން މިއަދު ނެރުނު ބަޔާނެއްގައި ބުނީ، ހުރިހާ ގާނޫނުތަކަށް ކައުންސިލަރުން ތަބާވާން ގާނޫނުން ލާޒިމުކުރާ އިރު، ބައެއް ތަހުގީގީ އިދާރާތަކަށް ކައުންސިލްތަކުގެ އެއްބާރުލުން ނުލިބޭކަމުގެ ޝަކުވާ ލިބެމުންދާ ކަމަށެވެ. އެހެންވެ ތަހުގީގީ އިދާރާތަކަށް ފުރިހަމައަށް އެއްބާރުލުން ދިނުމަށާއި އެ އިދާރާތަކުގެ ގާނޫނީ ޒިންމާ އަދާކުރަން ކައުންސިލްތަކުން ހުރަސް ނޭޅުމަށް އެލްޖީއޭއިން ވަނީ އިލްތިމާސްކޮށްފައެވެ.
އަދި އިދާރާތަކުން ކައުންސިލްތަކަށް އަންގާ އެންގުންތަކަށް ބޯލެނބުމަށްވެސް އެލްޖީއޭއިން ވަނީ ނަސޭހަތްތެރިވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0