Read Time:4 Minute, 14 Second
(ފޮޓޯ ކްރެޑިޓްސް: ވަގުތު)
ކުރިއަށް އޮތް ރޯދަ މަހުގެ ކުރިން ހއ. ތަކަންދޫ އާއި އެ އަތޮޅު މާރެންދޫއަށް އާރްޓީއެލްގެ ހިދުމަތް ފަށްޓަވައިދެއްވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. މިއަދު ތަކަންދޫ އަށް ވަޑައިގެން ބޭއްވި ޖަލްސާގައި ވާހަކަދައްކަވަމުން ރައީސް ވިދާޅުވީ ދަތުރުފަތުރުކުރުމަށް ބަލާއިރު ތަކަންދޫ ރައްޔިތުން ތަކުލީފްތަކެއް އުފުލަންޖެހޭ ކަމަށެވެ. ފެރީގެ ނިޒާމުގައި ތަކަންދޫއަށް ކައިރި ކުރާނަމަ ލިބޭނެ ފަސޭހަތަށް ރައްޔިތުންގެ ފަރާތުން އަޑުއިވިފައިވާ ކަމަށް ވިދާޅުވިއެވެ.
” އިރާދަކުރެއްވިއްޔާ ރޯދަ މަހުގެ ކުރިން މަތިބިތުން ދަތުރުކުރާ އާރްޓީއެލް ފެރީ ތަކަންދޫ އަށާއި މާރެންދޫއަށް މަޑުކޮށްފައިވާ ގޮތަށް އިންތިޒާމް ހަމަޖެހިގެންދާނެ. އޭރުން ތިބޭފުޅުންނަށް ބޮޑުތަނުން ފަސޭހަވާނެ.”ރައީސް ވިދާޅުވިއެވެ.
(ފޮޓޯ ކްރެޑިޓްސް: ވަގުތު)
ރައީސް ވިދާޅުވީ އޭރުން ވަރަށް ބޮޑު ތަކުލީފުތަކަކަށް ނިމުމެއް އަނަންނާނެ ކަމަށާއި ވަގުތުތަކެއް ގެއްލިގެން ދިއުމުން ވެސް ސަލާމަތްވެގެންދާނެ ކަމަށެވެ.
ތަކަންދޫގައި ފަތުރުވެރިކަން ފުޅާކުރުމުގެ ވިސްނުން
އޭގެ އިތުރު ރައީސް ވިދާޅުވީ ޓޫރިޒަމް ދާއިރާ ފުޅާކުރުމުގެ ތެރެއިން ވިޒިޓާ އެކޮނޮމީ ފުޅާކުރުމަކީ ސަރުކާރުގެ ވަރަށް މުހިންމު ސިޔާސަތެއް ކަމަށެވެ. އަބަދު އޮންނަ ޓޫރިޒަމްގެ ކޮންސެޕްޓް ފުޅާކުރުުގެ ވިސްނުން ގެންގުޅުއްވާ ކަމަށެވެ.
(ފޮޓޯ ކްރެޑިޓްސް: ވަގުތު)
“ތާރީހަށް ސަގާފަތަށް ލޯބިކުރާ ފަތުރުވެރިން ތިބޭ. ކަލްޗަރަލް ޓޫރިޒަމަށް ލޯބިކުރާ. މި ރަށުގައި ހުރި ތަންތަން ރަނގަޅު ގޮތެއްގައި ހިމާޔަތް ކުރެވުނީމަ އެކަންކަން ބެހޭ ވާހަކަ ކިޔާދެވޭނެ ގޮތެއް ގާއިމްކުރެވުނީމަ މިކަން ވެގެން ދާނެ އޭގެން ލިބެން ޖެހޭ އިންސްޕްރޭޝަން ހޯދުމަށް އަންނަން ބޭނުންވާ ދުނިޔޭގެ ކަންކޮޅުތަކުގައ ތިބި ފަތުރުވެރިންނަށް ދެވޭ ފުރުސަތަކަށް. އެއާއިއި ގުޅިގެން ލޯކަލް ޓޫރިޒަމް މި ރަށުގައި ފެށިގެން ދިއުމުން ވަނީ ދެކޮޅު ޖެހޭ ސަސްޓޭނަބަލް ކަމަކަށް.”ރައީސް ވިދާޅުވިއެވެ.
ރައީސް ވިދާޅުވީ ސަރުކާރުން އެ ގައުމީ ވިސްނުމުގައި އިސްނަގައިގެން ކަންކަން ކޮށްފިއްޔާ ތަކަންދޫގައި އެ ކޮންސެޕްޓް ގާއިމްކުރެވޭނެ ކަމަށެވެ. އެކަން ކުރުމުގެ ވިސްނުން އެބަ ހުންނެވިކަން ރައީސް ހާމަކުރެއްވެވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0