Read Time:2 Minute, 37 Second
މި ފެށުނު ޗައިނީސް އާ އަހަރާއެކު ރާއްޖެ އާއި ޗައިނާގެ ގުޅުން އިތުރަށް ވަރުގަދަވެގެންދާނެ ކަމަށް ގަބޫލްކުރައްވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް އެކްސްގައި ކުރެއްވި ޕޯސްޓެއްގައި ވަނީ ޗައިނީސް އާ އަހަރު ފެށުމުން އެ މުނާސަބަތުގެ ތަހުނިޔާ ޗައިނާގެ ރައީސް ޝީ ޖިންޕިން އާއި އެ ގައުމުގެ ރައްޔިތުންނަށް އަރުއްވާފައެވެ. އާ އަހަރާއިއެކުގައި ކުރިއެރުމައި ދުޅަހެޔޮ ސިއްހަތާއި އުފާވެރިކަން ޗައިނާގެ ރައްޔިތުންނަށް ލިބުމަށް އެދިލައްވާ ކަމަށް ރައީސް ވިދާޅުވިއެވެ.
“ޗައިނާއިއެކު އޮތް ގާތް ރަހުމަތްތެރިކަމަށް ގަދަރުކުރަން. ދެ ގައުމުން ވަނީ އިތުބާރާއި އިހުތިރާމްގެ މައްޗަށް ވަރުގަދަ ޕާޓްނާޝިޕެއް ގާއިމްކޮށްފައި.”ރައީސް ވިދާޅުވިއެވެ. ރައީސް ވިދާޅުވީ އާ އަހަރާއިއެކުގައި ދެ ގައުމުގެ ގުޅުން އިތުރާށް ވަރުގަދަވެގެންދާނެ ކަމަށް އެމަނިކުފާނު ގަބޫލުފުޅުކުރައްވާ ކަމަށެވެ.
ނިމިދިޔަ އެމްޑީޕީ ސަރުކާރުގައި ރާއްޖެ އާއި ޗައިނާގެ ގުޅުން ވަރަށް ބޮޑަށް ހީނަރުވެގެން ދިޔައެވެ. ނަމަވެސް ރައީސް މުއިއްޒު ވެރިކަމަށް ވަޑައިގެން ޗައިނާއާއިއެކު ރާއްޖޭގެ ގުޅުން ވަނީ ހަރުދަނާކުރައްވާފައެވެ. އެގޮތުން އެމަނިކުފާނު މިދިޔަ އަހަރު ވަނީ ޗައިނާއަށް ވަޑައިގެންފައެވެ. އެ ދަތުރުފުޅުގައި އެކި ދާއިރާތަކުން އެކުގައި މަސައްކަތް ކުރުމަށް އެގައުމާ އެކު މަޝްވަރާކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0