Read Time:2 Minute, 53 Second
(ފޮޓޯ ކްރެޑިޓްސް: ރައީސް އޮފީސް)
އިދިކޮޅު މައި ޕާޓީ އެމްޑީޕީއަކީ ގައުމުގެ މަސައްހަލަތު އިސްކޮށްގެން ވެރިކަމަށް ފައިނަގާ ޕާޓީއެއް ނޫން ކަމަށް ފޮރިން މިނިސްޓަރު ޑރ. އަބުްދުﷲ ހަލީލް ވިދާޅުވެއްޖެއެވެ. ހަލީލް މިހެން ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހއ. ގެ ބައެއް ރަށްތަކަށް ކުރައްވަމުން ގެންދަވާ ދަތުރުފުޅުގެ ތެރެއިން ދިއްދޫއަށް ވަޑައިގެން ރޭ ބޭއްވި ޖަލްސާގައި ގައުމީ ސަލާމް ޖެހި ވަގުތު އެ ރަށުގެ އެމްޑީޕީއަށް ނިސްބަތްވާ ބައެއް ސަޕޯޓަރުން އަޑުގަދަކޮށް އަވަގުރާނަ ގޮވާފައިވާތީއެވެ.
އެކަމާއި ގުޅިގެން ހަލީލް އެކްސްގައި ކުރެއްވި ޕޯސްޓެއްގައި ވިދާޅުވީ އެމްޑީޕީއަކީ އެއްވެސް އިރެއްގައި ގައުމުގެ މަސްލަހަތު އިސްކޮށްގެން ވެރިކަމަށް ފައިނަގާ ޕާޓީއެއް ނޫން ކަމަށެވެ. “ގައުމީ ސަލާމާއި ގައުމީ ދިދަ ފަދަ ގައުމިއްޔަތު ރަމްޒުކޮށްދޭ ކަންކަމަށް އެމްޑީޕީގެ ސިޔާސަތު ގައި އިސްކަމެއް ނުދޭ ތަން އެބައިމީހުންގެ ވެރިކަމުން ވެސް ރައްޔިތުންނަށް ފެނުނީ.”ހަލީލް ވިދާޅުވިއެވެ. ރައީސް މުއިއްޒުގެ ޖަލްސާ ރޭ ދިއްދޫގައި ކުރިއަށް ގެންދިޔައިރު އެމްޑީޕީ ސަޕޯޓަރުންނަށް ހިޔާލު ފާޅުކުރުމުގެ ފުރިހަމަ މިނިވަން އޮތީ ދީފައެވެ. އެ ފަރާތްތަކުން ދިޔައީ ސްޕީކަރުތަކުން ލަވަޖައި އަޑު ގަދަކުރަމުންނެވެ. ނަމަވެސް އެކަން ހުއްޓުވަން ފުލުހުންނެއް ނުފޮނުވައެވެ.
އަދި އެ ރަށަށް ރައީސް ވަޑައިގެން ވަގުތުގައި ވެސް އެމްޑީޕީ ސަޕޯޓަރުން ގެންދިޔައީ ބަދަރު ސަރަހަށްދުގައި ސްޕީކަރުތަކުން ލަވަޖަހައި އެ ބޭފުޅުންގެ ހިޔާލު ފާޅުކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0