Read Time:4 Minute, 3 Second
(ފޮޓޯ ކްރެޑިޓްސް: ރައީސް އޮފީސް)
ހއ. ފިއްލަދޫގެ ތަރައްގީއަށް އެންމެ މުހިއްމުކަމަކީ ރަށުގެ މަގުތައް ޒަމާނީ ފެންވަރަށް ހެދިގެން ދިއުން ކަމަށާއި، އެހެންވެ އެންމެ ބޮޑު އިސްކަމެއް ދޭނީ އެރަށުގެ މަގު ހެދުމުގެ މަޝްރޫއަށް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވެއްޖެ އެވެ. ހއ. އަތޮޅުގެ ބައެއް ރަށްތަކަށް ކުރައްވަމުން ގެންދަވާ ދަތުރުފުޅުގައި މިއަދު ފިއްލަދޫއަށް ވަޑައިގެން އެރަށު ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ވިދާޅުވީ އެސަރަހައްދުގައި ފަތުރުވެރިކަން ފުޅާކުރުމަކީ ސަރުކާރުން ވަރަށް ބޮޑު އަމާޒެއް ކަމަށާއި، އެކަން ހާސިލްކުރުމަށްޓަކައި ރަށްރަށުގެ މަގުތައް ހެދިފައި ހުންނަން ޖެހޭ ކަމަށެވެ. އެހެންވެ ފިއްލަދޫގެ ތަރައްގީއަށްޓަކައި ކުރަން ހުރި މަސައްކަތްތަކުގެ ތެރެއިން އެންމެ ބޮޑު އިސްކަމެއް ދޭނީ އެރަށުގެ މަގުތައް ޒަމާނީ ފެންވަރަށް ހެދުމަށް ކަމުގައި އެމަނިކުފާނު ވިދާޅުވިއެވެ.
އެކަމަށްޓަކައި އެރަށުގައި ރޯޑް ޑިވެލޮޕްމަންޓު ކޯޕަރޭޝަން (އާރުޑީސީ) ގެ ސައިޓު ގާއިމްކުރެވި އެތަނަށް މުވައްޒަފުން މިހާރު ނަގާފައިވާ ކަމަށް ރައީސް ވިދާޅުވިއެވެ. މަގު ހެދުމުގެ މަޝްރޫއުގެ އިތުރުން އެސަރަހައްދުގައި ފަތުރުވެރިން ފުޅާ ކުރުމުގެ ގޮތުން، އެރަށުގައި ފަތުރުވެރި ބޭނުމަށް ދޫކޮށްފައިވާ ކޮމާޝަލް ބިންތައް ތަރައްގީކުރުމަށްޓަކައި އިންޓްރެސްޓު ކުޑަ ލޯނުތަކެއް ވަރަށް އަވަހަށް ބީއެމްއެލް މެދުވެރިކޮށް ތައާރަފްކުރައްވާނެ ކަމަށްވެސް ރައީސް ވިިދާޅުވިއެވެ.
އެރަށުގައި ވާހަކަފުޅު ދައްކަވަމުން ރައީސް ވިދާޅުވީ އެ ދާއިރާގެ ރަށްތަކަށް އެމަނިކުފާނުގެ ކެމްޕެއިންގެ ތެރޭގައި ވެވަޑައިގެންފައިވާ ވައުދުތައް ހަނދާން އެބަހުރި ކަމަށާއި އެކަންކަން ފުއްދަވައިދެއްވާނެ ކަމުގެ ޔަގީންކަން އަރުވާ ކަމަށެވެ. އެގޮތުން އެރަށުގެ ސިއްހީ މަރުކަޒާއި ސްކޫލަށްވެސް މުހިއްމު ކަންކަން އެބަހުރި ކަމަށާއި އޭގެ ތެރޭގައި ސްކޫލަށް ކްލާސް ރޫމް އިތުރުކުރުމާއި މަލްޓިޕާޕަސް ހޯލު ނިންމުން ހިމެނޭ ކަމަށް ރައީސް ވިދާޅުވިއެވެ. އަދި އެރަށުގެ ކުނި މެނޭޖްކުރުމަށްވެސް މިއަހަރުގެ ތެރޭ ހައްލު ހޯއްދަވައިދެއްވާނެ ކަމުގައި ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0