Read Time:3 Minute, 8 Second
(ފޮޓޯ ކްރެޑިޓްސް: ވަގުތު)
ރާއްޖެއަށް އެންމެ ގިނަ ފަތުރުވެރިން އަންނަ ގައުމުތަކުގެ ލިސްޓުގެ އެއްވަނައިގައި އޮތް ރަޝިޔާ ވައްޓާލުމަށްފަހު ރާއްޖެއަށް އެންމެ ގިނައިން ފަތުރުވެރިން އަންނަ ގައުމަކަށް ޗައިނާ ވެއްޖެއެވެ. ފަތުރުވެރިކަމާއި ބެހޭ ވުޒާރާއިން މިއަދު އާއްމުކޮށްފައިވާ އެންމެ ފަހުގެ ތަފާސްހިސާބުތައް ދައްކާގޮތުން 23،186 ފަތުރުވެރިންނާއެކު މިހާރު ރާއްޖެއަށް އެންމެ ގިނައިން ފަތުރުވެރިން އަންނަ ގައުމަކަށް އޮތީ ޗައިނާއެވެ. އެ ލިސްޓުގެ ދަވަނައިގައި އޮތީ ރަޝިޔާއެވެ. ރަޝިޔާއިން 18،651 ފަތުރުވެރިން އައިސްފައިވާއިރު، 16،614 ފަތުރުވެރިންނާއެކު ތިންވަނައަށް އެންމެ ގިނައިން ފަތުރުވެރިން އަންނަ ގައުމެއްގެ ގޮތުގައި އޮތީ އިޓަލީއެވެ.
އެ ތަފާސްހިސާބުތައް ދައްކާގޮތުން މި މަހުގެ 25 ވަނަ ދުވަހާއި ހަމައަށް ރާއްޖެ އައިސްފައި ވަނީ 169،424 ފަތުރުވެރިންނެވެ. މިދިޔަ އަހަރު އެ މުއްދަތުގައި ރާއްޖެއަށް 152،811 ފަތުރުވެރިން އައިސްފައިވާކަމަށް ދައްކާއިރު، މިއީ މިދިޔަ އަހަރުގެ އެ މުއްދަތާ އަޅާ ކިޔާއިރު، %10.9 ކުރިއެރުމެކެވެ. ރާއްޖެ އަންނަ ފަތުރުވެރިންގެ ތެރެެއިން 117،307 ފަތުރުވެރިން ގޮސްފައި ވަނީ ރިސޯޓްތަކަށެވެ. ގެސްޓްހައުސްތަކަށް 43،775 ފަތުރުވެރިން ގޮސްފައިވައިރު، ސަފާރީތަކަށް ގޮސްފައި ވަނީ 4،079 ފަތުރުވެރިންނެވެ. ހޮޓެލްތަކަށް 4،198 ފަތުރުވެރިން ގޮސްފައިވާ ކަމަށް ދައްކައެވެ.
ރާއްޖެ އަށް މިހާރު ދުވާލެއްގެ މައްޗަށް 6،000 އަށްވުރެ ގިނަ ފަތުރުވެރިން އަންނަ ކަމަށް ދައްކައެވެ. ފަތުރުވެރިން ރާއްޖެ ގެނައުމަށް މީގެކުރިން ސަރުކާރުން ގިނަ މަސައްކަތްތަކެއް ކޮށްފައިވާއިރު، ފަތުރުވެރިކަމުގެ ދާއިރާ އިން އެކިއެކި ރިކޯޑުތައް ވަނީ ހާސިލްކޮށްފައެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0