Read Time:3 Minute, 36 Second
(ފޮޓޯ ކްރެޑިޓްސް: ވަގުތު)
އޮސްޓްރޭލިއާއަކީ ތައުލީމީ، އިޖްތިމާއީ އަދި އިގްތިސޯދީ ދާއިރާއިން އެހީތެރިކަން ފޯރުކޮށްދީފައިވާ އިސް ބައިވެރިއެއް ކަމަށް ހާރިޖީ ވަޒީރު ޑރ. އަބްދުﷲ ހަލީލް ވިދާޅުވެއްޖެއެވެ. އޮސްޓްރޭލިއާ ދުވަހުގެ މުނާސަބަތުގައި އެ ގައުމުގެ ހާެރިޖީ ވަޒީރު ޕެނީ ވޮންގް އަށް މިނިސްޓަރު ހަލީލް ވަނީ ތަހުނިޔާގެ މެސެޖެއް ފޮނުއްވާފައެވެ. އެ މެސެޖްގައި ވިދާޅުވީ ދިވެހި ސަރުކާރާއި ދިވެހި ރައްޔިތުންގެ ނަމުގައާއި ވަޒީރުގެ އަމިއްލަ ނަމުގައި އެ ކަމަނާއަށާއި އޮސްޓްރޭލިއާގެ ރައްޔިތުންނަށް، އޮސްޓްރޭލިއާ ދުވަހުގެ ތަހުނިޔާ އަރިސްކުރާ ކަމަށެވެ.
“ތައުލީމާއި ސިއްހީ ހިދުމަތާއި މެރިޓައިމް ސެކިއުރިޓީ އަދި ތިމާވެށީގެ ދެމެހެއްޓެނިވިކަން ފަދަ ދާއިރާތަކުން އިޖްތިމާއީ އަދި އިގްތިސޯދީ ކުރިއެރުމަށް އެހީތެރިކަން ފޯރުކޮށްދިނުމުގައި އިސް ދައުރެއް އަދާކޮށްފައިވާ އިތުބާރުކުރެވޭ ތަރައްގީގެ ބައިވެރިއެއް ކަމުގައިވާ އޮސްޓްރޭލިއާއާއެކު އޮތް ގާތްގުޅުމުގެ އަގު ރާއްޖެއިން އިހްލާސްތެރިކަމާއެކު ފާހަގަކުރަން.”، ވަޒީރު ވިދާޅުވިއެވެ. ވަޒީރު ވިދާޅުވީ ދެ ގައުމުގެ ދެމެދުގައި އޮތް ބަދަހި ގުޅުމުގެ މައިގަނޑު އަސާސަކީ، ރައްޔިތުންގެ މެދުގައި އޮންނަ ގުޅުންތަކެއް ކަމަށެވެ. އެގޮތުން އިންސާނީ ވަސީލަތް ތަރައްގީކުރުމަށް ހާއްސަކުރައްވައިގެން އޮސްޓްރޭލިއާ އެވޯޑްސް ޕްރޮގްރާމްގެ ދަށުން ދެއްވާ ސްކޮލާޝިޕްތަކަކީ އެކަމުގެ ނަމޫނާ މިސާލެއް ކަމަށް ވިދާޅުވިއެވެ.
“އަޅުގަނޑުމެންގެ ދެ ގައުމުގެ ގުޅުން ބިނާވެފައިވަނީ ހިއްސާކުރެވިފައިވާ އަހްލާގާއި، ދެ ގައުމުގެ ކުރިއެރުމަށް ކުރެވޭ އަހައްމިއްޔަތުކަމުގެ މައްޗަށް. މުސްތަގްބަލަށް ބަލާއިރު، ދެ ގައުމުގެ މަސްލަހަތު ހިމެނޭ ދާއިރާތަކުގައި އެއްބާރުލުން ދިނުމާއި، ވިސްނުން އިތުރުކޮށް، ރައްޔިތުންގެ ދުޅަހެޔޮކަމަށް އެހީތެރިކަން ފޯރުކޮށްދިނުމުގައި ދެމިތިބުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް.”، ވަޒިރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0