ދެގައުމުގެ ގުޅުމާ ގުޅޭ ގޮތުން ރައީސްގެ ޚިޔާލާއި މޯދީގެ ޚިޔާލު ހުރީ އެއްގޮތަކަށް!

Read Time:3 Minute, 10 Second

(ފޮޓޯ ކްރެޑިޓްސް: ރައީސް އޮފީސް)

ރާއްޖެ އާއި އިންޑިއާގެ ގުޅުމާ ގުޅޭ ގޮތުން ރައީސް ޑރ. މުހައްމަދު މުއިއްޒުގެ ޚިޔާލާއި އިންޑިއާގެ ބޮޑުވަޒީރު ނަރެންދްރާ މޯދީގެ ޚިޔާލު ހުރީ އެއްގޮތަކަށް ކަން ހާމަކުރައްވައިފިއެވެ. އިންޑިއާގެ ޖުމުހޫރީ ދުވަހާއި ގުޅިގެން ރައީސް ޑރ. މުއިއްޒު އެކްސްގައި ކުރެއްވި ޕޯސްޓެއްގައި އެމަނިކުފާނު ވަނީ ދުވަހުގެ ތަހުނިޔާ އެ ގައުމުގެ ރައީސް ދްރޯޕަތީ މުރުމޫ އާއި ބޮޑުވަޒީރު ނަރެންދްރަ މޯދީއަށާއި އިންޑިއާގެ ރައްޔިތުންނަށް ވިދާޅުވެފައެވެ. އެ ޕޯސްޓުގައި ރައީސް ވިދާޅުވީ އިންޑިއާއިއެކު އޮންނަ ގާތް ރަހުމަތްތެރިކަމުގެ ގުޅުމާއި އެ ގައުމުން ރާއްޖެއަށް ދެމުންދާ އެއްބާލުރުން އަބަދުވެސް އަގުވަޒަން ކުރައްވާނެ ކަމަށެވެ.

Thank you President @MMuizzu for your wishes on India’s Republic Day. I fully share your sentiment regarding the long standing partnership between India and Maldives. We are committed to deepen these bonds of friendship and cooperation. https://t.co/HDb0An1oTy

— Narendra Modi (@narendramodi) January 26, 2025

” ދެ ގައުމުގެ ގުޅުން ބިނާ ވެގެން ވަނީ އިތުބާރާއި އިހުތިރާމުގެ މައްޗަށް. އަދި މި ގުޅުން ވަނީ ވަގުތުގެ އިމްތިހާންތަކުގެ މަތީގައި ވެސް ސާބިތުކަން ދައްކާފަ.” ރައީސް ވިދާޅުވިއެވެ. ރައީސް ވިދާޅުވީ އިންޑިއާއިއެކު އޮތް ގުޅުން އިތުރަށް ވަރުގަދަ ކުރުމަށް މަސައްކަތް ކުރައްވާނެ ކަމަށާއި އަދި ދެ ގައުމުގެ ރައްޔިތުންނަސް ދިމާވެފައިވާ އުނދަގޫތަކާއި ރައްޔިތުންނަށް ފައިދާ ވާނެ ކަންކަމުގައި އަބަދުވެސް އެކުގައި މަސައްކަތް ކުރައްވާނެ ކަމަށް ރައީސް ވިދާޅުވިއެވެ.

ރައީސްގެ އެ ޕޯސްޓާއި ގުޅިގެން މޯދީ ކުރެއްވި ޕޯސްޓެއްގައި ވަނީ ރައީސް މުއިއްޒު ފޮނުއްވި ހެޔޮއެދުންތަކަށް ޝުކުރު ދަންނަވާފައެވެ. އަދި ރައީސް މުއިއްޒު، މި ދެ ގައުމުގެ ޒަމާންވީ ގުޅުން ސިފަކޮށް ފާހަގަކުރެއްވީ އެމަނިކުފާނުގެ ވެސް އިހުސާސް ކަަމަށް މޯދީ ވިދާޅުވިއެވެ.