Read Time:4 Minute, 36 Second
(ފޮޓޯ ކްރެޑިޓްސް: ރައީސް އޮފީސް)
ދިވެހި ރައްޔިތުންގެ އެެއްބާރުލުމާއެކު ރާއްޖެއަކީ ފުލީ ޑިޖިޓަލައިޒް ސާވިސް ތަކެއް ލިބޭ، މުުހިންމު ޕަބްލިކް ހުރިހާ ހިދުމަތްތަކެއް ޑިޖިޓަލައިޒް ކޮށްދެވޭ ގައުމަކަށް މި ދައުރު ތެރޭގައި ވެގެން ދާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ. އެސްޓޯނިއާއަށް ކުރެއްވި ތާރީހީ ދަތުރުފުޅަށް ފަހު ދައުލަތުގެ މީޑިއާ އަށް ދެއްވި އިވެންޓަވިއުއެއްގައި ރައީސް ވިދާޅުވީ، އެމަނިިކުފާނު ގަބޫލުފުޅު ކުރައްވާގޮތުގައި ދުުނިޔޭގައި އަންނަ ތަރައްގީތައް ބަލައިގަންނަން ޖެހޭނެ ކަމަށެވެ. އަދި މެޖޯރިޓީއާ ދެކޮޅަށް ނުދެވޭނެ ކަަމށާއި، އާޓީފިޝަލް އިންޓަލިޖެންސްއަކީ ވަރަށް މުހިންމު ދައުރެއް އަދާ ކުރާނެ އެއްޗެއް ކަަމަށް ރައީސް ވިދާޅުވިއެވެ.
“އެހެންވީމަ އެއަށް މާސްޓަރ ޕްލޭނެއް ހެދި އަޅުގަނޑުމެންގެ ގައުމު ތަރައްގީ ކުރުމުގައި އޭއައި މުހިންމު ދައުރެއް އަދާ ކުރާނެ، އެކަމަށްޓަކައި ކުރަން ޖެހޭ ހުރިހާ ކަމެއްވެސް ކުރިއަށް ގެންދެވޭނެ، މި ދަތުރުގެ ސަބަބުން އަޅުގަނޑުމެންނަށް މި ގައުމުގައި ކޮން ގޮތަކަށްތޯ ކުރަމުން ދަނީ އަދި ރާވަމުން ދަނީ، ރޭވިފައި އޮތީވެސް، ހަމަ ރަނގަޅަށް އޮޅުން ފިލައިގެން ދިޔަ،”. ރައީސް ވިދާޅުވިއެވެ. މި ދަތުރުފުޅު ވަރަށް ކާމިޔާބުކަން ހާމަކުރައްވަމުން ރައީސް ވިދާޅުވީ، މި ދާއިރާއިން އެންމެ ކުރިއަރާފައި އޮތް ގައުމަށް ވަޑައިގެން، އެ ގައުމުގައި އެކަން ކުރަމުންދާ ގޮތް އެނގިގެން ގޮސް، ކުރިއަށް އޮތްތަނުގައި ރާއްޖެއަށް އެހީތެރިކަން ދޭނެ ކަމުގެ ޔަގީންކަން އެ ގައުމުން ލިބިގެން ދިއުމުން، ގައުމު ބޭނުންވާ މިސްރާބަށް ގެންދިއުމަށް މަގްސަދު ހާސިލް ކުރުމަށް ވަރަށް ބޮޑު ކުރިއެރުމެއް ލިބޭ ކަމަށެވެ.
“އިރާދަކުރެއްވިއްޔާ ކުރިއަށް އޮތްތަނުގައި، މި އަހަރު ތެރޭގައި ހާއްސަ ގޮތެއްގައި ޑިޖިޓަލައިޒް ކުރުމަށްޓަކައި ސަރުކާރުގެ ހުރިހާ ހިދުމަތްތަކެއް ޕަބްލިކް ދާއިރާގެ ހުރިހާ ކަމެއް، ތައުލީމީ ދާއިރާ ސިއްހީ ދާއިރާ، ހަމަ އެއްކޮށް ކުރިއަށް އޮތް ތިން، ހަތަރު އަހަރު ތެރޭގައި އަޅުގަނޑުމެން ބޭނުންވާ ގޮތަށް ބަދަލު ކުރާނަން،”. ރައީސް ވިދާޅުވިއެވެ. އަދި އެކަަމަށް ދިވެހި ރައްޔިތުން އެއްބާރުލުން ދެއްވާނެ ކަމުގެ ޔަގީންކަންވެސް އެބަ އޮތް ކަމަށްވެސް ރައީސް ވިދާޅުވެފައި ވެއެވެ. ދިވެހި ރައްޔިތުންގެ އެެއްބާރުލުމާއެކު ރާއްޖެއަކީ ފުލީ ޑިޖިޓަލައިޒް ސާވިސް ތަކެއް ލިބޭ، މުުހިންމު ޕަބްލިކް ހުރިހާ ހިދުމަތްތަކެއް ޑިޖިޓަލައިޒް ކޮށްދެވޭ ގައުމަކަށް ހެދުން މި ދައުރު ތެރޭގައި ހާސިލް ކުރެވިގެން ދާނެ ކަމަށް ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0