Read Time:3 Minute, 44 Second
(ފޮޓޯ ކްރެޑިޓްސް: ރައީސް އޮފީސް)
އެސްޓޯނިއާގެ ދަތުރުފުޅުން ޑިޖިޓަލް ގަވަނަންސް ދާއިރާއިން ކަންތައްތަކެއް ދަސްވެއްޖެ ކަމަށާއި، އެންމެން ގުޅިގެން ހޯދާފައިވާ ކުރިއެރުންތަކުން ވަރަށް ބޮޑު ހިތްވަރެއް ލިބިގެން ދިޔަ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ. އެސްޓޯނިއާއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު، ރައީސް މިރޭ ވަނީ މާލެ ވަޑައިގެންފައެވެ. ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ، މި ދަތުރުފުޅުގައި އެންމެން ގުޅިގެން ހޯދާފައިވާ ކުރިއެރުންތަކުން ވަރަށް ބޮޑު ހިތްވަރެއް ލިބިގެން ދިޔަ ކަމަށެވެ.
އަދި އެސްޓޯނިއާގެ ސަރުކާރަށާއި ރައްޔިތުންނަށް، ހާއްސަކޮށް އެ ގައުމުގެ ރައީސް ޑރ. އަލާރް ކަރިސް ދެއްވި މިދައުވަތާއި، ގައުމުން ދެއްވި ހޫނު މަރުހަބާއާއި، މެހެމާންދާރީއާއި، ވަރަށް ފުރިހަމަ އިންތިޒާމްތަކެއް ހަމަޖެއްސެވި ކަމަށްޓަކައި ވަރަށް އިހްލާސްތެރިކަމާއެކު ޝުކުރު ދަންނަވާ ކަަމަށް ރައީސް ވިދާޅުވިއެވެ. ރައީސް ވަނީ މި ދަތުރުފުޅުން ދެގައުމުގެ ދެމެދުގައި ގުޅުން ބަދަހިކުރުމުގެ އާ ބާބެއް ޔަގީންކޮށްދީފައިވާ ކަމަށްވެސް ވިދާޅުވެފައެވެ. އުފެއްދުންތެރި ބައްދަލުވުންތަކަކާއި، ޑިޖިޓަލައިޒޭޝަނާއި، ތިމާވެއްޓާއި، ސިޔާސީ މަޝްވަރާތަކާއި ގުޅޭގޮތުން އެއްބަސްވުންތަކުގައިވެސް ސޮއިކުރެވިގެން ދިޔަ ކަމަށްވެސް ވިދާޅުވިއެވެ.
މީގެ އިތުރުން ރައިސް ވިދާޅުވީ، އެސްޓޯނިއާގެ އިނޮވޭޓިވް ޑިޖިޓަލް ޓްރާންސްފޯމޭޝަނަކީ ހަރުދަނާ އަދި ދެފުށް ފެންނަ ވެރިކަމެއް ހިންގުމަށް ދުނިޔޭގެ ބެންޗްމާކެއް ކަމަށާއި، އެ ގައުމުން އިބްރަތް ހާސިލު ކުރުމަށް ލިބުނު މި ފުރުސަތަށް ރާއްޖެއިން ޝުކުރުވެރިވާ ކަމަށެވެ. ރާއްޖޭގެ ޑިޖިޓަލް ގަވަރނަންސް ހަރުދަނާކުރުމަކީ، އަޅުގަނޑުގެ ސަރުކާރުން ވަރަށް ބޮޑު އިސްކަމެއް ދެއްވާ ކަމެއް. މި ދަތުރުފުޅުގެ އެންމެ ބޮޑު އެއް ކަމަކީ އެއީ،”. ރައީސް ވިދާޅުވެފައި ވެއެވެ. މިއީ ރާއްޖޭގެ ރައީސަކު އެސްޓޯނިއާއަށް ކުރެއްވި ފުރަތަމަ ރަސްމީ ދަތުރުފުޅުކަން ފާހަގަކޮށްލަން ޖެހެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0