Read Time:3 Minute, 11 Second
(ފޮޓޯ ކްރެޑިޓްސް: ރައީސް އޮފީސް)
އެސްޓޯނިއާއަށް އާދެވުމަކީ ލިބޭ ޝަރަފެއް ކަމަށާއި، ރާއްޖެއާއި އެގައުމުން ހިއްސާކުރާ އެއްފަދަ ވިސްނުންތަކާއެކު ދެގައުމު ގުޅިގެން ކުރެވޭ މަސައްކަތުން ދެގައުމުގެ ކުރިއެރުމަށް މަގުފަހިވެގެންދާނެ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ވިދާޅުވެއްޖެ އެވެ.
މިއީ އެސްޓޯނިއާއަށް ކުރައްވަމުން ގެންދަވާ ދަތުރުފުޅާ ގުޅޭ ގޮތުން ފުރަތަމަ ފަހަރަށް އެމަނިކުފާނު އެއްޗެއް ވިދާޅުވި ފަހަރެވެ. އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ އެ ތާރީޚީ ދަތުރަށް، އެގައުމުގެ ރައީސް، ޑރ. އަލާރް ކަރިސް ދެއްވި އޯގާތެރި ދައުވަތަށް ޝުކުރު ދަންނަވާ ކަމަށެވެ. އަދި އެގައުމަށް ވަޑައިގަތް ވަގުތު ކޮޅުން ފެށިގެން ލިބެމުންދާ ފުރިހަމަ މެހެމާންދާރީއަށް ހިތުގެ އަޑިން މަރުހަބާ ދަންނަވާ ކަމަށެވެ.
(ފޮޓޯ ކްރެޑިޓްސް: ރައީސް އޮފީސް)
“އިއްޔެ އަޅުގަނޑުމެންގެ ދެޤައުމުގެ ގުޅުން ބަދަހިކުރުމަށް އަމާޒުކޮށްގެން ކުރެވުނު އުފެއްދުންތެރި މަޝްވަރާތަކުގެ ތެރޭގައި ޑިޖިޓަލް ގަވަރނަންސް، ސައިބަރ ރެސިލިއެންސް، މޫސުމަށް އަންނަ ބަދަލުތައް، އަދި ތަޢުލީމުގެ އިތުރުން އެހެނިހެން ދާއިރާތަކާ ބެހޭ މަޝްވަރާތައް ކުރެވުނު، މި ދާއިރާތަކުން އަޅުގަނޑުމެންގެ ދެގައުމުގެ ދެމެދުގައި ހިއްސާކުރެވޭ ތަޞައްވުރާއި އިސްކަންދޭ ކަންކަމަކީ، ކުރިއަށް އޮތް އަހަރުތަކުގައި ދެގައުމުގެ ކުރިއެރުމުގެ މަސައްކަތްތަކަށް މަގުދައްކައިދޭނެ ކަންކަން.” ރައީސް ވިދާޅުވިއެވެ.
ރައީސް ވިދާޅުވީ، ރާއްޖެއާއި އެސްޓޯނިއާ ފަދަ ކުދި ގައުމުތަކުގެ މެދުގައި އޮންނަ އެއްބައިވަންތަ ގުޅުންތަކަކީ ދުނިޔޭގެ ސުލްހައާއި މަސްލަހަތައްވެސް މުހިއްމު ދައުރެއް އަދާ ކުރާ ކަމެއް ކަމުގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0