Read Time:3 Minute, 0 Second
(ފޮޓޯ ކްރެޑިޓްސް: ވަގުތު)
މޯލްޑިވިއަން އެއާލައިންގެ މަތިންދާބޯޓުން ދަތުރުކުރާ ގިނަ ބައެއްގެ އެއް ޝަކުވާއަކީ އެ އެއާލައިންގެ ބޯޓުތައް ބާވެފައިވާ އަދި ހިދުމަތްތަކުގެ ފެންވަރު ދަށް ވާހަކަ އެވެ. އެ އެެއާލައިން ވަނީ މިމައްސަލަތައް ހައްލު ކުރުމަށްޓަކައި ޑޮމެސްޓިކް ބޯޓުތައް އާ ކުރުމުގެ މަސައްކަތް ފަށާފއެވެ. މިވަގުތު މޯލްޑިވިއަންގައި ބޭނުންކުރާ ޑޭޝް-8 ގެ ބޯޓުތަކުގެ ބަދަލުގައި އޭޓީއާރަށް އަންނަނީ ބަދަލު ކުރަމުންނެވެ. އެކަން ހާސިލުކުރަން 2023 ވަނަ އަހަރު ކުރީކޮޅު “ބްރޭންޑް ނިއު” ތިން މަތިންދާބޯޓު ގެނެސްފައިވެ އެވެ. މިދިޔަ އަހަރު އެއް ބޯޓު ގެނެސްފައިވާ އިރު މި އަހަރުގެ މާޗް މަހު އާ ބޯޓެއް ގެންނާނެ އެވެ. އަދި ޑޮމެސްޓިކް ފްލައިޓްތަކަށް ޕްރީމިއަމް އިކޮނޮމީ ތައާރަފް ކުރަން އެ އެއާލައިން އިން ވަނީ ނިންމާފައެވެ.
އިތުރު ތިން ބޯޓާ އެކު، އޭޓީއާރްގެ އަދަދު 8 އަށް އިތުރު ކުރެވޭނެ އެވެ. ބޯޓުތައް އާ ކުރުމަށް މިހާތަނަށް 70 މިލިއަން ޑޮލަރު (1.1 ބިލިއަން ރުފިޔާ) ހޭދަކުރި އިރު 8 ބޯޓު ގެންނަން ގާތްގަނޑަކަށް 140 މިލިއަން ޑޮލަރު (2.2 ބިލިއަން ރުފިޔާ) ހޭދަވާނެ ކަމަށް އައިއޭއެސް އިން ލަފާކުރެ އެވެ. މޯލްޑިވިއަން އިން އެންމެ ފުޅާދާއިރާއެއްގައި ހިންގަނީ ޑޮމެސްޓިކް ދަތުރުތައް ކަމަށްވާ އިރު އެ ދަތުރުތަކުގެ ފެންވަރު ރަނގަޅު ކުރުމަށް ވަރަށް ބޮޑު އިސްކަމެއް ދެ އެވެ.
މިހާރު މޯލްޑިވިއަންގެ ފްލައިޓުތައް އެވްރެޖްކޮށް 80 އިންސައްތަ ގަޑިއަށް ފުރަމުންދާ ކަމަށް ވަނީ ފާހަގަކުރެވިފައެވެ. ކުރީގައި ފްލައިޓުތައް ގަޑިއަށް ފުރުވުމަކީ އެ އެެއާލައިން އަށް ދިމާވެފައިވާ އެންމެ ބޮޑު އެއް ގޮންޖެހުން ކަމުގައި ވެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0