Read Time:3 Minute, 47 Second
(ފޮޓޯ ކްރެޑިޓްސް: ވަގުތު)
މާލޭގައި ފެންބޮޑުވެގެން 104 ގެއަކަށް އެހީތެރިކަން ފޯރުކޮށްދީފިއެވެ. އެމްއެންޑީއެފްއިން ވިދާޅުވީ މާލެއަށް މިހާރު ކުރަމުންދާ ވިއްސާރާއި ގުޅިގެން މާލޭ އޭރިއާ ކޮމާންޑުން ކުރިއަށްގެންދާ އޮޕަރޭޝަންގައި މިހާތަނަށް 104 ގެއަކަށް އެހީތެރިކަން ފޯރުކޮށްދީފައިވާ ކަމަށެވެ. އަދި 528 ވެލި ބަސްތާ ޖަހާދީފައިވާ ކަމަށް ވިދާޅުވިއެވެ. މި އަހަރުގެ ތިންވަނަ ދުވަހު މާލެއަށް ވެހުނު ވާރޭގެ ސަބަބުން ލިބުނު ގެއްލުމުގެ އަދާހަމަ ހާމަކުރައްވަމުން އެންޑީއެމްޑީއޭއިން ވިދާޅުވީ މާލޭގައި ފެންބޮޑުވެގެން އެކިއެކި އެހޯތެރިކަމަށް އެދި 740 އަށްވުރެ ގިނަ ތަނަކުން ރިޕޯޓްކުރި ކަމަށެވެ. އޭގެ ތެރޭގައި ގޭގެއާއި އެކިއެކި ވިޔަފާރިތަކާއި ސްކޫލްތަކާއި ގުދަންތައް ހިމެނެއެވެ.
އަދި ފެންބޮޑުވުމުގެ ހާދިސާއަށް އިޖާބަދިނުމުގެ ގޮތުން މާލެ ސިޓީ ކައުންސިލަށް 20،000 ގޯނި ވެލި ބަސްތާ ޖެހުމަށް ފޯރުކޮށްދިން ކަމަށް ވިދާޅުވެއެވެ. ފެންބޮޑުވުމާއި ގުޅިގެން ހިފާގެންގުޅޭ ތަކެއްޗާއި އިމާރާތައް އެކިވަރުގެ ގެއްލުން ލިބިގެން ޑެމޭޖް އެސެސްމަންޓް ހަދަންޖެހޭ 145 ގޭބީސީއެއް ފާހަގަކުރެވުނު ކަމަށް ވެސް އެ އޮތޯރިޓީއިން ވިދާޅުވިއެވެ. އޭގެ ތެރެއިން 115 ގެއެއްގެ އެސެސްމަންޓް މިހާރު ވަނީ އެއްކޮށް ހަދާ ނިމިފައެވެ. 13 ގެއަކުން އެސެސްމަންޓް ހަދަން ބޭނުންނުވާ ކަމަށް އަންގާފައިވާ ކަމަށް އެންޑީއެމްއޭ އިން ވިދާޅުވެފައިވެއެވެ. އަދި ވެރިފަރާތަށް ނުގުޅިގެންނާއި ގެއަށް ނުވަދެވިގެނާއި އަދިވެސް އިތުރު ސަބަބުތަކާއި ހެދި އެސެސްމަންޓް ހަދަންޖެހޭ ތަނަށް ނުވަދެވުމުގެ ސަބަބުން 17 ތަނެއްގެ އެސެސްމެންޓް ނެހެދޭ ކަމަށް އެމްޑީއެމްޑީއޭ އިން ވިދާޅުވެއެވެ.
އޭގެ އިތުރުން އެ އޮތޯރިޓީން ވިދާޅުވީ ފެންބޮޑުވުމުގެ ހާދިސާގައި މާލޭގެ ގެތަކަށް ލިބުނު ގެއްލުމުގެ ޖުމްލަ 2.2 މިލިއަނަށް ރުފިޔާއަށް އަރާކަމަށެވެ. މިއީ ހަމައެކަނި މީހުން ދިރިއުޅޭ ގެތަކަށް ލިބުނު ގެއްލުމެވެ. އޭގެ ތެރޭގައި އެކިއެކި ވިޔަފާރިތަކާއި ގުދަންތައް ނުހިމެނޭކަން އެންޑީއެމްއޭ އިން ފާހަގަކުރައްވާފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0