Read Time:3 Minute, 9 Second
ސަން އޮންލައިންގެ “އެޑިޓަރުގެ ސުވާލު” ޕްރޮގްރާމްގައި ވާހަކަދައްކަވަމުން ހަމްދާން ވިދާޅުވީ، މި ފައިސާ ހޯދުމަށް ބޭރުގެ އެޖެންސީއަކާއެކު މަޝްވަރާކުރަމުންދާ ކަމަށާއި، މިކަމާ ގުޅޭ ބައެއް ސާވޭތައް ވެސް ހަދާފައިވާ ކަމަށެވެ. އަދި ސާފުކުރަންޖެހޭ ބައެއް ކަންކަން ސާފުކުރަމުންދާ ކަމަށް ވެސް އޭނާ ވިދާޅުވިއެވެ. “މި ދަނޑިވަޅުގައި ދިވެހި ދައުލަތަށް އެންމެ ފައިދާވާނެ ގޮތަކަށް ލޯން އެގްރިމަންޓްސް، ލޯން ޓާމްސް ސެޓްކުރެވޭތޯ އަޅުގަނޑުމެން މި މަސައްކަތްކުރަނީ. އަޅުގަނޑުމެން މި ބަލަނީ ކުރިއަށް އޮތް ދެ މަހެއްހާ ދުވަސް ތެރޭގައި އެ ފައިނޭންސް ލިބޭނެކަމަށް އެންމެ ލަސްވެގެން ވެސް،” ހަމްދާން ވިދާޅުވިއެވެ.
މި މަޝްރޫޢަށް އިތުރު ފައިސާ ބޭނުންވާ ސަބަބު ބަޔާންކުރައްވަމުން ހަމްދާން ވިދާޅުވީ، ކުރީގެ ސަރުކާރުން މަޝްރޫޢުގެ ސްކޯޕުން ގިނަ ކަންތައްތަކެއް އުނިކޮށްފައިވާ ކަމަށެވެ. މީގެ ތެރޭގައި ލޭންޑްސްކޭޕިންގ، ގާބޭޖް ޝޫޓް، ކޮމާޝަލް ލިފްޓްސް، ސައިނޭޖް، ޕާކިން އޭރިއާ، ބޫސްޓާ ޕަމްޕްސް، ބޫމް ގޭޓްސް، ފިންގާ ކޭބަލްސް، ސްވޭޖް ކަނެކްޝަން އަދި ވޯޓާ ކަނެކްޝަން ފަދަ މުހިންމު ބައިތައް ހިމެނެއެވެ. “ޕްރޮޖެކްޓް ސޮއިކުރުމުގެ ކުރިން ގާތްގަނޑަކަށް ގަޑިއިރެއްހާއިރު ކުރިން ވަނީ ޕްރޮޖެކްޓްގެ ސްކޯޕުން އިމާރާތުގެ މަތީ ފްލޯތަކުން ފެން ފޮނުވުމަށް ބޭނުންކުރާ ބޫސްޓާ ޕަމްޕްތައް އުނިކޮށްފައި،” ހަމްދާން ވިދާޅުވިއެވެ.
މި ހުރިހާ މައްސަލަތަކާ ހެދި، ކުރިން ފައިނޭންސް ކޮށްފައިވާ މަޝްރޫޢަކަށް އަލުން ފައިނޭންސް ހޯދުމަކީ ބޮޑު ގޮންޖެހުމެއް ކަމަށް ހަމްދާން ފާހަގަކުރެއްވިއެވެ. ނަމަވެސް، މި ފައިސާ ވީހާވެސް އަވަހަކެސް އަވަހަކަށް ހޯދުމަށް މަސައްކަތްކުރަމުންދާ ކަމަށް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0