Read Time:2 Minute, 42 Second
(ފޮޓޯ ކްރެޑިޓްސް: ވަގުތު)
ފާއިތުވި 24 ގަޑިއިރު އެންމެ ބޯކޮށް ވާރޭ ވެހުނީ މާލެއަށް ކަމަށް މޫސުމާ ބެހޭ ގައުމީ އިދާރާ (މެޓް) އިން ހާމަކޮށްފިއެވެ. މިދިޔަ 24 ގަޑިއިރު އެންމެ ގިނަައިން ވާރޭވެހުން ރަށްތައް މެޓުން އާންމު ކޮށްފައިވާއިރު، މާލެ ފާއިތުވި 24 ގަޑިއިރު 130.7 މިލިމީޓަރުގެ ވާރޭ ވަނީ ވެހިފައެވެ. ދެވަނައަށް އެންމެ ގިނައިން ވާރޭ ވެހުނީ ހުޅުލެއަށެވެ. އެއީ 79.5 މިލިމީޓަރުގެ ވާރޭއެެވެ.
ތިންވަނައަށް އެންމެ ގިނައިން އއ. ތޮއްޑޫއަށް ވާރެ ވެހިފައިވާއިރު، ހަތަރު ވަނައަށް އެންމެ ގިނައިން ވާރޭ ވެހިފައިވާ ކަމަށް މެޓުން ހާމަކޮށްފައިވަނީ ގދ. ކާޑެއްދޫއަށެވެ. އެއީ 54.4 މިލިމީޓަރުގެ ވާރޭއެވެ.
ފާއިތުވި 24 ގަޑިއިރު ބޯކޮށް ވާރޭ ވެހުނު ސަރަހައްދުތައް:
- މާލެ – 130.7 މިލިމީޓަރުގެ ވާރޭ
- ހުޅުލެ – 79.5 މިލިމީޓަރުގެ ވާރޭ
- އއ. ތޮއްޑޫ – 70.3 މިލިމީޓަރުގެ ވާރޭ
- ގދ. ކާޑެއްދޫ – 54.4 މިލިމީޓަރުގެ ވާރޭ
- ނ. މާފަރު – 49.5 މިލިމީޓަރުގެ ވާރޭ
- ވ. ރަކީދޫ – 48.3 މިލިމީޓަރުގެ ވާރޭ
- ހުޅުމާލެ – 43.5 މިލިމީޓަރުގެ ވާރޭ
- ލ. މާވަށް – 35.5 މިލިމީޓަރުގެ ވާރޭ
މިއަދުގެ މޫސުން ކުރިއަަށް ލަފާކޮށް މެޓް އޮފީހުން ވިދާޅުވެފައިވާ ގޮތުގައި އުތުރާއި މެދު ރާއްޖެތެރޭ އެކި ހިސާބުތަކަށް ވިއްސާރަ ކުރުމާއެކު ގުގުރާނެއެވެ. އަދި ބައެއް ރަށްތަކަށް ބޯކޮށް ވާރޭ ވެހޭނެ ކަމަަށް ލަފާ ކުރެވެއެވެ. މެޓް އިން ވަނީ ދެކުނުގެ އެކި ހިސާބުތަކަށް ކެރީގެ އަސަރު ފޯރާނެ ކަމަށާއި އަދި ގުގުރުން އެކަށީގެންވާކަން ވެސް ހާމަކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0