Read Time:3 Minute, 13 Second
ލުބްނާނުގެ ރައީސްކަމުގެ މަޤާމަށް އިންތިޚާބުވެވަޑައިގެންނެވި، ޖޯސެފް އައޫންއަށް، ދިވެހިރާއްޖޭގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ތަހުނިޔާ ވިދާޅުވެއްޖެއެވެ.
ރައީސް ޑރ. މުއިއްޒު ފޮނުއްވި ތަހުނިޔާގެ މެސެޖުގައި ރާއްޖެއާއި ލުބްނާނާ ދެޤައުމުގެ ދެމެދުގައި އޮތް ގާތް ގުޅުމަކީ އިސްލާމީ ރިވެތި އަޚްލާޤުގެ މަތީގައި ބިނާވެފައިވާ ގާތް ގުޅުމެއްކަން ފާހަގަކުރައްވާފައިވެއެވެ. އަދި ދެޤައުމުގެ ދެމެދުގައި ވާ އަޚުވަންތަ ގުޅުން އިތުރަށް ބަދަހިކުރެއްވުމަށް މަސައްކަތް ކުރައްވާނެކަމުގެ ޔަޤީންކަން ރައީސުލްޖުމްހޫރިއްޔާ ވަނީ ދެއްވާފައެވެ. މީގެ އިތުރުން އެ މެސެޖުގައި، ލުބްނާނަށް ޞުލްޙަ މަސަލަސްކަމާއި އިތުރު ކުރިއެރުންތައް ހޯއްދަވައިދެއްވުމުގައި ލުބްނާނުގެ ރައީސަށް ޙިކުމަތްތެރިކަމާއި ކާމިޔާބަށް އެދިވަޑައިގެންފައިވެއެވެ.
ރައީސްގެ މެސެޖު ނިންމަވާލައްވަމުން، ލުބްނާނުގެ އައު ރައީސް، އައުންއަށް ދުޅަހެޔޮ ޞިއްޙަތެއްގައި ލެހެއްޓެވުމާއެކު، އުފާފާގަތިކަމާއި، ލުބުނާނުގެ އަޚުވަންތަ ރައްޔިތުންނަށް ޞުލްޙަމަސަލަސްކަމާއި ކުރިއެރުން ދެއްވުމަށް އެދިވަޑައިގެންފައިވެއެވެ. ލުބްނާނުގެ ކުރީގެ ރައީސް، މިޗެލް އައުންގެ ވެރިކަން 2022 ވަނަ އަހަރުގެ އޮކްޓޯބަރު މަހު ވައްޓާލި ފަހުން އެގައުމުގެ ރައީސްގެ މަގާމަށް މީހަކު އައްޔަންކޮށްފައި ނުވެއެވެ. އެފަހުން ދެ އަހަރު ވެފައިވާއިރު، އެގައުމުގެ މަޖިލީހުން ވަނީ ރައީސަކު އައްޔަންކުރަން 12 ފަހަރެއްގެ މަތިން މަސައްކަތްކޮށްފައެވެ.
ލުބްނާނުގެ މަޖިލީހުގައި އިއްޔެ ނެގި ވޯޓުން ޖޮސެފް އައުން ރައީސްކަމުގެ މަގާމަށް އިންތިޚާބު ކުރީ 128 ގޮނޑި ހިމެނޭ ރައްޔިތުންގެ މަޖިލީހުގެ ތިންބައިކުޅަ ދެބައިގެ އަޣުލަބިއްޔަތުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0