ހިޔާނާތުގެ ތުހުމަތު ކުރެވޭ އެއްވެސް މުވައްޒަފެއް ރިޓަޔާ ނުކުރޭ: ކަސްޓަމްސް

Read Time:3 Minute, 56 Second

(ފޮޓޯ ކްރެޑިޓްސް: ވަގުތު)

މޯލްޑިވްސް ކަސްޓަމްސް ސަރވިސްގެ މުވައްޒަފުންތަކަކަށް މަނީ ލޯންޑަރިންގ، ހިޔާނާތް އަދި ރިޝްވަތުގެ ތުހުމަތުތަކެއް ކުރެވިގެން ބަލަމުންދާ މައްސަލައިގައި ހިމެނޭ އެއްވެސް އޮފިސަރެއް ރިޓަޔާ ކޮށްފައި ނުވާކަން އެ އިދާރާއިން ކަށަވަރުކޮށްދީފިއެވެ. ކަސްޓަމްސްގެ ތިން މުވައްޒަފެއްގެ އެކައުންޓުތަކުން 400 މިލިއަން ރުފިޔާ ދައުރުވެފައިވާ ކަމަށް ފާހަގަކުރެވިފައިވެއެވެ. މި މައްސަލަ ފެންމަތިވެގެން އައުމާ ގުޅިގެން ފުލުހުން ވިދާޅުވީ އެ މައްސަލަ ތަހުގިގު ކުރަމުން އަންނަ ކަމަށެވެ.

” މޯލްޑިވްސް ކަސްޓަމްސް ސަރވިސްގެ މުވައްޒަފުންތަކަށް ތުހުމަތު ކުރެވޭ މަނީ ލޯންޑަރިންގ، ހިޔާނާތް އަދި ރިޝްވަތުގެ މައްސަލައެއް ފުލުހުންގެ ސަމާލުކަމަށް އައުމާ ގުޅިގެން، 2024 އޯގަސްޓް 19 ވަނަ ދުވަހު އެ މައްސަލައިގެ ތަހުގީގު ދިވެހި ފުލުހުންގެ ޚިދުމަތުން ވަނީ ފަށާފައި.” ފުލުހުން ވިދާޅުވިއެވެ. ކަސްޓަމްސް އިން މިއަދު ވިދާޅުވީ، ކަސްޓަމްސްގެ ބައެއް އޮފިސަރުންނަށް ތުހުމަތު ކުރެވިގެން، މަނީ ލޯންޑްރިންގ، ޚިޔާނާތް އަދި ރިޝްވަތާގުޅޭގޮތުން ފުލުހުން ތަހްގީގެއް ކުރަމަމުން ގެންދާކަން އަންގާފައިވާ ކަމަށެވެ.

“އަދި މިގޮތުން ތަހްގީގުގައި ހިމެނޭ އޮފިސަރުންކަމަށް ދިވެހި ފުލުހުންގެ ހިދުމަތުން މައުލޫމާތު ދެއްވާފައިވާ އެއްވެސް އޮފިސަރެއް މި ސަރވިސްއިން ރިޓަޔަރކޮށްފައި ނުވާނެ ވާހަކަ ދެންނެވީމެވެ،”. ކަސްޓަމްސް އިން ވިދާޅުވެފައި ވެއެވެ. މި މައްސަލައާ ގުޅިގެން ރައްޔިތުންގެ މަޖިލީހުގެ 241 ކޮމިޓީންވެސް ވަކި ތަޙުޤީޤެއް ކުރިއަށްގެންދާ ކަމަށް މަޢުލޫމާތު ލިބިފައިވެއެވެ. ކޮމިޓީން މި މައްސަލައާ ގުޅޭގޮތުން ސަރުކާރުގެ ކަމާބެހޭ އިދާރާތަކުގެ އިސްވެރިންނާ ސުވާލުކޮށްފައިވާ ކަމަށްވެސް ބެލެވެއެވެ.

ރައްޔިތުންގެ މަޖިލީހުގެ ނައިބު ރައީސް އަޙްމަދު ނާޒިމް ވިދާޅުވެފައިވަނީ ޔުނިފޯމް އެޅި މުއައްސަސާތަކާ މެދު އިތުބާރުކޮށްގެން ބަލަން ތިބެވެން ނެތް ކަމަށެވެ. އަދި 241 ކޮމިޓީން ބަލަމުންދާ މައްސަލަތައް ނިމުމުން، މަސްތުވާތަކެތީގެ މައްސަލަ ފަދަ ކަންކަމުގައި ވެސް ހައްލުތަކެއް ހުށަހަޅުއްވާނެ ކަމަށް އޭނާ ވިދާޅުވެފައިވެއެވެ.