Read Time:2 Minute, 35 Second
މިހާރު ގްރޭޑް އަށެއް އަދި ނުވައެއް ކިޔަވަމުންދާ ދަރިވަރުންގެ އޯލެވެލް އިމްތިހާން އޮންނާނީ އަންނަ އަހަރުގައި ކަމަށް އެޑިއުކޭޝަން މިނިސްޓްރީއިން ވިދާޅުވެއްޖެއެވެ. މިނިސްޓްރީއިން އެހެން ވިދާޅުވެފައިވަނީ އެކަން އަންގައި އިއްޔެ ރާއްޖޭގެ ހުރިހާ ސްކޫލްތަކަށް ފޮނުވި ސާކިއުލާއެއްގައެވެ. އެ ސާކިއުލާގައި މިނިސްޓްރީއިން ވިދާޅުވެފައިވަނީ ދިރާސީ އަހަރަށް ގެނެވުނު ބަދަލާ ގުޅިގެން ސާނަވީ ނިންމާ އިމްތިހާނަށް ބަދަލުތަކެއް ގެނެސްފައިވާ ކަމަށެވެ.
ނަމަވެސް މިހާރު ގްރޭޑް 10 ގައި ކިޔަވަމުންދާ ދަރިވަރުންގެ އޯ ލެވެލް އިމްތިހާނަށް އެއްވެސް ބަދަލެއް ނުގެންނަ ކަަމަށް އެ ސާކިއުލާގައި މިނިސްޓްރީއިން ވިދާޅުވެފައިވެއެވެ. އެ ދަރިވަރުންގެ އިމްތިހާން އޮންނާނީ މެއި/ޖޫންގައި ކަމަށް ބުނެފައިވެއެވެ. މިހާރު ގްރޭޑް ނުވައެއްގައި ގައި ކިޔަވަމުންދާ ކުދިންގެ އޯލެވެލް އިމްތިހާނު އޮންނާނީ އަންނަ އަހަރުގެ ފެބްރުއަރީ/މާޗުގައި ކަމަށާއި އަދި މިހާރު ގްރޭޑް އަށެއްގައި ކިޔަވަމުންދާ ދަރިވަރުންގެ އޯލެވެލް އިމްތިހާނު އޮންނާނީ އަންނަ އަހަރުގެ އޮކްޓޫބަރު/ ނޮވެމްބަރުގައި ކަމަށް މިނިސްޓްރީއިން އެ ސާކިއުލާގައި ވިދާޅުވެފައިވެއެވެ.
ސާކިއުލާގައި ވިދާޅުވެފައިވަނީ އަންނަ އަހަރުގެ ދިރާސީ އަހަރުން ފެށިގެން އޯލެވެލް އިމްތިހާނުތައް ބާއްވާނީ ކޮންމެ އަހަރެއްގެ ވެސް އޮކްޓޫބަރު/ނޮވެމްބަރުގައި ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0