Read Time:2 Minute, 14 Second
ކެނެޑާގެ ބޮޑުވަޒީރު ޖަސްޓިން ޓްރޫޑޯ މަގާމުން އިސްތިއުފާ ދެއްވަން ނިންމަވައިފިއެވެ. 2015 ވަނަ އަހަރުން ފެށިގެން ވެރިކަމުގައި ހުންނެވި ޓްރޫޑޯ އޮޓާވާގައި ނޫސްވެރިންނާ ވާހަކަ ދައްކަވަމުން ވިދާޅުވީ، “އަޅުގަނޑު ގަސްދުކުރަނީ ޕާޓީގެ ލީޑަރުކަމުން، ބޮޑުވަޒީރުކަމުން އިސްތިއުފާ ދެއްވަން،” ކަމަށެވެ. ލިބަރަލްގެ އިސް ބައިވެރިން އޭނާ އިސްތިއުފާ ދެއްވުމަށް ބާރު އެޅުއްވުމާ ގުޅިގެން އޮޓާވާގައި ނޫސްވެރިންނާ ވާހަކަ ދައްކަވަމުން އޭނާ ވިދާޅުވީ ވެރިކަން ކުރާ ލިބަރަލް ޕާޓީން އާ ލީޑަރަކު ހޮވުމާއެކު މަގާމުން އިސްތިއުފާ ދެއްވާނެ ކަމަށެވެ.
ޓްރޫޑޯ ވިދާޅުވީ، އެ ޕާޓީގެ ލީޑަރުގެ އިތުރުން ކެނެޑާގެ ބޮޑުވަޒީރުކަމުން ވެސް އިސްތިއުފާ ދެއްވަން ގަސްދުކުރައްވާ ކަން ޕާޓީއަށާއި ގަވަރުނަރަށް އަންގާފައިވާނެ ކަމަށާއި، ގައުމީ ފެންވަރުގައި ވަރުގަދަ ވާދަވެރި މަރުހަލާއެއްގެ ތެރެއިން މަގާމަށް އައު ބޭފުޅަކު ހަމަޖެއްސެވުމާއެކު އިސްތިއުފާ ދެއްވާނެ ކަމަށެވެ. ބޮޑުވަޒީރުގެ މަގާމުގައި ޓްރޫޑޯ ހުންނާނީ ކިހާ ދުވަހަކަށް ކަމެއް އަދި ސާފެއް ނުވެ އެވެ.
އޭނާ ވިދާޅުވީ ލިބަރަލް ލީޑާޝިޕް ރޭހަކީ “ހަރުދަނާ، މުޅި ގައުމުގައި ވާދަވެރި ޕްރޮސެސްއަކަށް ވާނެ” ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0