Read Time:3 Minute, 58 Second
(ފޮޓޯ ކްރެޑިޓްސް: ރައީސް އޮފީސް)
ގުޅީފަޅުގެ މަގުތައް ހެދުމާއި މުނިސިޕަލް އިންފްރާސްޓްރަކްޗަރ ގާއިމުކުރުމުގެ މަސައްކަތް ޗައިނާގެ ކުންފުންޏެއް ކަމަށްވާ ޗައިނާ މެޝިނަރީ އިންޖިނިއަރިން ކޮމްޕެނީ (ސީއެމްއީސީ) އާ ހަވާލުކޮށް، މިއަދު އެ އެއްބަސްވުމުގައި ސޮއިކޮށްފިއެވެ.
ރައީސް އޮފީހުގައި ބޭއްވުނު ރަސްމިއްޔާތެއްގައި ސޮއި ކުރެވުނު މި މަޝްރޫޢުގެ އެއްބަސްވުމުގައި ސަރުކާރުގެ ފަރާތުން ސޮއިކުރެއްވީ ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗަރ މިނިސްޓަރު ޑރ. ޢަބްދުﷲ މުއްތަލިބެވެ. ސީއެމްއީސީގެ ފަރާތުން ސޮއިކުރެއްވީ އެ ކުންފުނީގެ ރީޖަނަލް ޖެނެރަލް މެނޭޖަރު ޝެން ހައު ޖުންއެވެ. މިނިސްޓަރު މުއްތަލިބް ވިދާޅުވި ގޮތުގައި މި މަޝްރޫޢަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޗައިނާއަށް ކުރެއްވި ދަތުރުފުޅުގައި ސީއެމްއީސީއާއި ހައުސިން މިނިސްޓްރީއާ ދެމެދު ވެވުނު އެމްއޯޔޫއެއްގެ ދަށުން ކުރެވުނު މަސައްކަތްތަކުގެ ނަތީޖާއެކެވެ.
މި މަޝްރޫޢުގެ ދަށުން ކުރެވޭ މައިގަނޑު މަސައްކަތްތަކުގެ ތެރޭގައި:
- ކަރަންޓު ޑިސްޓްރިބިއުޝަން ނެޓްވޯކް ގާއިމުކުރުން
- ފެނާއި ނަރުދަމާގެ ނިޒާމު ގާއިމުކުރުން
- ޑީވޯޓަރިން ސިސްޓަމް ގާއިމުކުރުން
- މަގުތައް ޒަމާނީ ފެންވަރަށް ހެދުން
- ޖީޕޮން ޑަކްޓިން ސިސްޓަމް ގާއިމުކުރުން
- ގޭސް ސްޓޯރޭޖާއި ޑިސްޓްރިބިއުޝަން ސިސްޓަމް ގާއިމުކުރުން ހިމެނެއެވެ.
މިނިސްޓަރު މުއްތަލިބް ވިދާޅުވި ގޮތުގައި މި އެއްބަސްވުމުގައި ސޮއިކުރުމާއެކު ސާވޭ އަދި ތަފުސީލީ ކުރެހުމުގެ މަސައްކަތް ކޮންޓްރެކްޓަރު ފަށާނެއެވެ. އަދި ތިލަފުށި ބްރިޖު މަޝްރޫޢަށް ގުޅީފަޅުން ބޮޑު ބިމެއް ނަގާފައިވާތީ މަސައްކަތަށް ދަތިތަކެއް ހުރި ނަމަވެސް، ބައިތަކަށް ބަހާލައިގެން މަސައްކަތް ކުރިއަށް ގެންދަން އެއްބަސްވެފައިވާ ކަމަށްވެސް ވަޒީރު ވިދާޅުވިއެވެ. މި މަޝްރޫޢުގެ ސަބަބުން ގުޅީފަޅުގެ އުމްރާނީ ތަރައްޤީއަށް ބޮޑު ކުރިއެރުމެއް ލިބި، އެ ސަރަހައްދުގައި ދިރިއުޅުމުގެ ފެންވަރު މަތިވެގެންދާނެ ކަމަށް ބެލެވެއެވެ. އަދި މި މަޝްރޫޢުގެ ސަބަބުން ގުޅީފަޅުގައި އިތުރު ވިޔަފާރިތަކާއި އިންވެސްޓްމަންޓްތަކަށް މަގުފަހިވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0