ތާރީހީ ދުވަހެއް، މިއަދު ގެންނަ މޯލްޑިވިއަންގެ ބޮޑު ބޯޓުގައި ދިވެހި ޕައިލެޓުންގެ ޓީމެއް!
Read Time:3 Minute, 19 Second
(ފޮޓޯ ކްރެޑިޓްސް: މޯލްޑިވިއަން)
ސިންގަޕޫރުން ރާއްޖެއަށް ދަތުރުކުރާ މޯލްޑިވިއަންގެ ފުރަތަމަ ވައިޑް ބޮޑީ މަތިންދާބޯޓު ކަމަށްވާ އެއާބަސް އޭ330 މިއަދު ރާއްޖެ އަންނާނެއެވެ. މި މަތިންދާބޯޓު ރާއްޖެއަށް އަންނަނީ ސިންގަޕޫރުން ފުރައިގެންނެވެ. މޯލްޑިވިއަންގެ އޮފިޝަލަކު ވިދާޅުވީ، މޯލްޑިވިއަންގެ ކްރޫއިން ރޭގެ ވަގުތެއްގައި ސިންގަޕޫރަށް ގޮސްފައިވާ ކަމަށެވެ. މި ބޯޓް މިއަދު ހަވީރު 17:25 ގައި ވެލާނާ އިންޓަނޭޝަނަލް އެއާޕޯޓުގައި ޖައްސާނެއެވެ. އެއާއެކު މިއަދު ހަވީރު 17:00 އިން 17:30 އަށް މާލޭގެ އުސްފަސްގަނޑާއި ހުޅުމާލޭ ފުރަތަމަ ފިޔަވައްސާއި ދެވަނަ ފިޔަވަހީގެ އިރުމަތީ ފަރާތު އަތިރިމަތީގައި އެއާޝޯއެއް ބާއްވަން ވަނީ ނިންމާފައެވެ.
ވައިޑް-ބޮޑީ މަތިންދާބޯޓުގައި ތިން ކްލާހެއް ހިމެނެެއެވެ. އެއީ ބިޒްނަސް އަށް 18 ގޮނޑި އާއި ފްރިމިއަކް އިކޮނަމީއަށް 36 ގޮނޑިއާއި އިކޮނޮމީ ކުލާހުގައި 210 ގޮނޑިއެވެ. މި ބޯޓުގައި އެއްފަހަރާ 264 ފަސިންޖަރުންނަށް ދަތުރުކުރެވޭނެއެވެ. މި ވައިޑް ބޮޑީ މަތިންދާބޯޓުގައި ދުރު މަންޒިލްތަކަށް ސީދާ ދަތުރު ކުރެވޭނެކަމަށް އަދި ފުރަތަމަ ޗައިނާގެ ތިން މަންޒިލަކަށް ދަތުރު ފެށުމަށްހަމަޖެހިފައިވާ ކަމަށް މޯލްޑިވިއަންއިން ވަނީ ހާމަކޮށްފައެވެ. މޯލްޑިވިއަންއިން ބުނީ، ވައިޑް ބޮޑީ އެއާކްރާފްޓުގެ އިތުރު އެއާކްރާފްޓެއް ވެސް ގެންނަން ނިންމާފައިވާ ކަމަށެވެ. ނަމަވެސް ސީދާ ވަކި ތާރީހެއް ބުނަން މިވަގުތު ދަތި ކަމަށް ބުނެފައިވެއެވެ.
ރައީސް ޑރ. މުއިއްޒު މީގެ ކުރިން ވިދާޅުވީ، ރާއްޖޭގެ ގައުމީ އެއާލައިން މޯލްޑިވިއަންގެ ހިދުމަތް ފުޅާކޮށް، ދުނިޔޭގެ ގިނަ މަންޒިލްތަކަށް އުދުހުމަށްޓަކައި އެކަމަށް އެކަށޭނަ ބިޔަ މަތިންދާބޯޓު ފަހަރު ގެންނާނެ ކަމަށެވެ. މީގެ ކުރިންވެސް އެމަނިކުފާނު ވަނީ މިކަމާއި ގުޅޭގޮތުން ވާހަކަފުޅު ދައްކަވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0