Read Time:5 Minute, 57 Second
(ފޮޓޯ ކްރެޑިޓްސް: ވަގުތު)
މި ސަރުކާރުން އިއުލާން ކޮށްފައިވާ ބޯހިޔާވަހިކަމުގެ މަޝްރޫއުތައް ހިންގަން މި މަސް ތެރޭގައި ކޮންޓްރެކްޓަރުން ހޯދަން އިއުލާން ކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ. މިއަދު ހަވީރު ކ. ގުޅިއަށް ވަޑައިގެން އެރަށު ރައްޔިތުންނާއި ބައްދަލު ކުރައްވާ ވާހަކަފުޅު ދައްކަވަމުން ރައީސް ވިދާޅުވީ، ކެމްޕެއިން ތެރޭގައި، މެނިފެސްޓޯގައި ކަނޑައަޅާފައި ހުރި ހުރިހާ ބޯހިޔާވަހިކަމުގެ މަޝްރޫއުތައް ހިންގަދޭނެ ފަރާތްތައް ހޯދާ، އަމަލީ ގޮތުން މަސަައްކަތް ކުރާނެ ފަރާތްތައް ހޯދަން މި މަހުގެ ތެރޭގައި އިއުލާން ކުރާނެ ކަމަށެވެ.
“އިރާދަކުރެއްވިއްޔާ މި ފެށިގެންދާ އަހަރަކީ ބޯހިޔާވަހިކަމުގެ އަހަރެއް، 2025އަކީ ބޯހިޔާވަަހިކަމުގެ އަހަރަކަށް އަޅުގަނޑުމެން ހަދާނަން، މި އަހަރުގެ މި މަހުގެ ތެރޭގައި ބަޖެޓްގެ ތެރޭގައި ކަނޑައަޅާފައި ހުރި، އަޅުގަނޑު ވައުދުވެފައި ހުރި ހުރިހާ ބޯހިޔާވަހިކަމުގެ މަޝްރޫއުތައް، ރަށްރަށުގައި ކުރިއަށް ގެންދިއުމަށް ކެމްޕެއިން ތެރޭގައި، މެނިފެސްޓޯގައި ކަނޑައަޅާފައި ހުރި ހުރިހާ ބޯހިޔާވަހިކަމުގެ މަޝްރޫއުތައް ހިންގަދޭނެ ފަރާތްތައް ހޯދާ، އަމަލީ ގޮތުން މަސަައްކަތް ކުރާނެ ކޮންޓްރެކްޓަރިން ހޯދަން އެބަ އިއުލާން ކުރަން، މި ޖެނުއަރީ މަސް ތެރޭގައި،”. ރައީސް ވިދާޅުވިއެވެ.
މިގޮތުން މާލެ ފިޔަވާ އެމަނިކުފާނު ވައުދުވަޑައިގެންފައިވާ ހުރިހާ ދިމާލެއްގައި ރާއްޖޭގެ ހުރިހާ ރަށެއްގައި އެ މަސަައްކަތް ކުރިއަށްދާނެ ކަން ރައިސް ވިދާޅުވިއެވެ.
(ފޮޓޯ ކްރެޑިޓްސް: ވަގުތު)
ރައީސް ވިދާޅުވީ، އެމަނިކުފާނު އެދެނީ ރައްޔިތުންގެ ކިބައިން އުއްމީދީ ގޮތެއްގައި އަދި ޔަގީންކަމާއި އެކުގައި މުސްތަގުބަލާއި މެދުގައި ވިސްނަވާ ވަޑައިގަންނަވަން ކަަމަށެވެ. އަދި މި އަހަރަކީ ތަރައްގީގެ އަމަލީ އަހަރެއް ކަމަށާއި، ތަރައްގީގެ މަސައްކަތްތައް އަމަލީ ގޮތުން ކުރިއަށްގެންދާނެ ކަަމަށް ވިދާޅުވިއެވެ.
“ހާއްސަ ގޮތެއްްގައި ގެދޮރުވެރިކަމުގެ ދާއިރާ، އަޅުގަނޑުމެން އިއުލާން ކުރި ލޯން ސްކީމް ތެރެއިން އެތައް ބަޔަކަަށް ގެދޮރުގެ ލުއި ލޯންތައް ލިބިގެންދާނެ، އަމަލީ ގޮތުން މި ދެންނެވި ފަދައިން މަޝްރޫއުތައް ހިންގަން ފަށާނެ، ހަމަ އެއާއެކުގައި ދެން ހުރި ދާއިރާތަކުން، ތައުލީމީ ދާއިރާ، ސިއްހީ، ކުޅިވަރާއި އެކި ކަހަލަ ސޯޝަލް ދާއިރާތަކުން އަދި އުމްރާނީ ތަރައްގީގެ އެކިއެކި މަޝްރޫއުތައް އަދި އިގްތިސޯދީ ދާއިރާވިޔަސް، އަމަލީ ގޮތުން ތަރައްގީ އިރާދަކުރެއްވިއްޔާ ރައްޔިތުންނަށް ގެނެސްދޭން ވަރަށް ގިނަ މަސައްކަތްތައް ފަށާނެ އަހަރަކަށް މި އަހަރުވާނެ،”. ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0