Read Time:3 Minute, 13 Second
(ފޮޓޯ ކްރެޑިޓްސް: ވަގުތު)
އަތޮޅު ތެރޭގައި ވޭސްޓް މެނޭޖްމަންޓް ކޯޕަރޭޝަން (ވެމްކޯ)އިން ގޭބިސީތަކުން ނަގާ ކުނީގެ ބިލް، ކަރަންޓު ބިލާއެކު ހިމެނުމަށް ކުރިން ނިންމި ނިންމުން މިއަދު ރައީސް ޑރ. މުޙައްމަދު މުއިއްޒު ބާތިލްކުރައްވައިފި އެވެ. މީގެ ކުރިން ނިންމާފައި އޮތީ، 1 ޖެނުއަރީ 2025 އިން ފެށިގެން ވެމްކޯއިން އަތޮޅު ތެރޭގައި ފޯރުކޮށްދޭ ގޭބިސީ ތަކުން ކުނި ނަގައިދިނުމުގެ ޚިދުމަތުގެ ބިލް ޔުޓިލިޓީ އެހެން ޚިދުމަތެއްގެ ބިލުގައި (ކަރަންޓު ބިލުގައި) ހިމެނުމަށެވެ. އެހެން ނަމަވެސް އެ ނިންމުން މިއަދު ބާތިލްކޮށްފައިވާ ކަމަށް ވެމްކޯއިން ވަނީ ބުނެފައެވެ.
“2025 ޖަނަވަރީ އިން ފެށިގެން ވެމްކޯއިން އަތޮޅު ތެރޭގައި ފޯރުކޮށްދޭ ގޭބިސީ ތަކުން ކުނި ނަގައިދިނުމުގެ ޚިދުމަތުގެ ބިލް ޔުޓިލިޓީ އެހެން ޚިދުމަތެއްގެ ބިލުގައި ހިމެނުމަށް ނިންމި ނިންމުން ދިވެހިރާއްޖޭގެ އިއްޒަތްތެރި ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ލަފާ ފުޅުގެ މަތިން ބާތިލް ކުރެވިފައިވާ ވާހަކަ ދަންނަވަމެވެ” ވެމްކޯ އިން ނެރުނު އިއުލާނެއްގައި ބުނެފައިވެއެވެ.
އެކުންފުނިން ބުނީ، އެ ބަދަލާއެކު ވެމްކޯގެ ޚިދުމަތް ފޯރުކޮށްދޭނީ ހަމައެކަނީ އެކުންފުނީގެ ޚިދުމަތަށް ރަޖިސްޓްރީކުރައްވާ ފަރާތްތަކަށް އެކަނި ކަމަށެވެ. އަދި ވެމްކޯގެ ބިލަށް ފައިސާ ދެއްކުމުގެ އިންތިޒާމް އަތޮޅު ތެރޭގައި ގާއިމްކޮށްފައިވާ އޮފީސްތަކާއި ވެމްކޯގެ އަވަސްޕޭ ޕޯޓަލް މެދުވެރިކޮށް ހަމަޖައްސާފައިވާނެ ކަމަށްވެސް އެއިއުލާނުގައި ވެއެވެ. ވެމްކޯއިން މިހާރުގެ މާލެ ސަރަހައްދުގެ ކުނި ބިލް ކުރަމުންދަނީ ކަރަންޓު ބިލާއި އެއްކޮށްލައިގެނެވެ. ކުނި ބިލަށް މަހަކު 150 ރުފިޔާ ކޮންމެ ގޭބީސީއަކުން ދައްކަން ޖެހެއެވެ. އަތޮޅު ތެރޭގައިވެސް ދައްކަން ޖެހޭ އަދަދަކީ އެއީ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0