Read Time:3 Minute, 9 Second
އިންޑިއާ އައުޓަކީ ކުރީގެ ރައީސް އަބްދުﷲ ޔާމީން އަބްދުލްގައްޔޫމް އިސްނެންގެވުމުގެ މަތިން ފަށައިގެން ހިންގި ކެމްޕެއިނެއް ކަން ރަސްމީކޮށް، ޚާރިޖީ ވަޒީރު ޑރ. އަބްދުﷲ ޚަލީލް ހާމަކުރެއްވުމާ ގުޅިގެން ކުރީގެ ނައިބް ރައީސް އަހްމަދު އަދީބު ޝުކުރު ދަންނަވައިފިއެވެ.
މިހާރު އިންޑިއާއަށް ކުރައްވަމުން އަންނަ ރަސްމީ ދަތުރުފުޅުގައި، އިންޑިއާގެ ވިއޯން ނޫހަށް ދެއްވި ބަސްދީގަތުމުގައި ވަޒީރު ވިދާޅުވީ އިންޑިއާ އައުޓް ހަރަކާތަކީ ރައީސް ޔާމީން އިސް ނަންގަވައިގެން ކުރިއަށް ގެންދެވި ހަރަކާތެއް ކަމަށާއި މިހާރު އެ މަނިކުފާނަކީ ވެރިކަން ކުރާ ޕީއެންސީން މުޅި ދުރުގައި އަމިއްލަ ޕާޓީއެއް ގައި ސަރުކާރާ އިދިކޮޅަށް މަސައްކަތްކުރައްވާ ބޭފުޅެއް ކަމަށެވެ.
“އަޅުގަނޑުމެންނާ، ކުރީގެ ރައީސް އާ އޮތް ގުޅުމަކީ މުޅިން ތަފާތު ގުޅުމެއް. މިހާރު އެ މަނިކުފާނު ހުންނެވީ މުޅިން ބޭރުގައި. އަދި މިވަގުތު މަސައްކަތް ކުރައްވަމުން ގެންދަވަނީ ސަރުކާރާ ދެކޮޅަށް،” ޚަލީލް ވިދާޅުވިއެވެ. މިކަމާ ގުޅިގެން އަދީބް، އެކްސްގައި ކުރެއްވި ޕޯސްޓެއްގައި ވިދާޅުވީ، އިންޑިއާ އައުޓް ކެމްޕޭނަކީ ރައީސް ޔާމީންގެ އިންޑިއާއާ ދެކޮޅު ވިސްނުމުގެ ދަށުން ފެއްޓެވި ކެމްޕޭނެއްކަން ނިމިދިޔަ 2024 އަހަރު ފެށުނީއްސުރެ އިންޑިއާގެ ރަހުމަތްތެރިންނާއި އިންޑިއާގެ މީޑިއާތަކަށް ކިޔައިދެމުން އައި ކަމަށެވެ. އަދި މިއަދު ރަސްމީ ހައިސިއްޔަތުގައި ޚާރިޖީ ވަޒީރު އެކަން ހާމަކުރެއްވުން އެކަމާ އުފާކުރައްވާ ކަމުގައި ވިދާޅުވިއެވެ.
“އިންޑިއާ އައުޓަކީ ރައީސް ޑރ. މުއިއްޒުއާ ގުޅުން ހުރި ކެމްޕޭނެއް ނޫންކަން ޚާރިޖީ ވަޒީރު ރަސްމީކޮށް ހާމަކުރެއްވުމުން އެކަމާ އުފާކޮށް ޝުކުރު އަދާކުރަން.” އަދީބް ވިދާޅުވެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0