Read Time:3 Minute, 23 Second
މިދިޔަ ހުކުރު ދުވަހު ރާއްޖޭގެ އެކި ހިސާބުތަކަށް ކުރި ވިއްސާރައިގައި އެކި ރަށްރަށުގައި ފެންބޮޑުވިނަމަވެސް މިހާރު ފެންހިންދައި ހުރިހާ ރަށެއްވެސް އާންމު ހާލަތަށް ގެނެވިފައިވާ ކަމަށް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓޯ، އެންޑީއެމްއޭއިން ވިދާޅުވެއްޖެއެވެ.
މޫސުން ގޯސްވުމުގެ ސަބަބުން އެކި ރަށްތަކަށް އެކިވަރުގެ ގެއްލުން ލިބިފައިވާއިރު، ވިއްސާރަވުމުގެ ސަބަބުން މާލޭގައި ފެންބޮޑުވެގެން އެކިއެކި އެހީތަކަށް އެދި 774 ތަނަކުން ރިޕޯޓުކޮށްފައިވެއެވެ. އަދި ވިއްސާރައިގައި ރ. އިނގުރައިދޫއަށާއި ށ. މަރޮށްޓަށް އުދައަރައިގެން އެކި ވަރުގެ ގެއްލުންތައް ލިބިފައިވެއެވެ. އަދި އިތުރު ރަށްތަކަށްވެސް އެކި ވަރުގެ ގެއްލުންތައް ލިބިގެން ރިޕޯޓްކޮށްފައިވެއެވެ.
ވިއްސާރައިގައި ގެއްލުން ލިބުނު އެންމެ ފަހުގެ އަދާހަމަ ހާމަކުރައްވަމުން އެންޑީއެމްއޭއިން ވިދާޅުވީ، ވިއްސާރައިގައި އެންމެ ބޮޑު ގެއްލުމެއް ލިބިފައިވަނީ ފ. ނިލަންދޫ އަދި ކ. ހިންމަފުއްޓަށް ކަމަށެވެ. އެގޮތުން ނިލަންދޫގެ 80 ޕަސެންޓުގައި ފެން ބޮޑުވިއިރު ހިންމަފުށީގެ 60 ޕަސެންޓަށް ވަނީ ފެންބޮޑުވެފައެވެ. އަދި ކ. ގުރައިދޫގެ 60 ގެއަކަށް އެކި ވަރުގެ ގެއްލުންތައް ލިބިފައިވާ ކަމަށް އެންޑީއެމްއޭ އިން ވިދާޅުވެއެވެ. އެންޑީއެމްއޭއިން ވިދާޅުވި ގޮތުގައި ފެންބޮޑުވި ހުރިހާ ރަށެއްގައިވެސް މިހާރު ފެންހިންދާފައެވެ. އަދި ހުސްކުރި ގެތަކުގެ މީހުން އަނބުރާ ގެތަކަށް ބަދަލުވެފައިވާ ކަމަށްވެސް އެ އިދާރާއިން ވިދާޅުވިއެވެ.
ވިއްސާރައިގެ ސަބަބުން މާލޭގައި ފެންބޮޑުވެ، އެހީއަށް އެދި ރިޕޯޓުކޮށްފައިވާއިރު، 554 ތަނަކަށް ވެލި ބަސްތާ ޖަހައިދިނުމަށް އެދިފައިވެއެވެ. އެމްއެންޑީއެފްޑީއެފްގެ މަޢުލޫމާތުން ދައްކާ ގޮތުގައި މާލޭގެ މަގުތަކުން 30,569 ޓަނުގެ ފެން ހިންދައި މިހާރު ވަނީ އާންމު ހާލަތަށް ގެނެވިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0