Read Time:3 Minute, 10 Second
ރާއްޖޭގެ ކުރިއެރުމާއި ތަރައްގީއަށް އެއްބާރުލުންދޭ ގައުމެއްގެ ގޮތުގައި އިންޑިއާ އަބަދުވެސް ދެމި އޮންނާނެ ކަމުގައި އެގައުމުގެ އެކްސްޓާނަލް އެފެއާޒްގެ މިނިސްޓަރު، ޑރ. އެސް. ޖައިޝަންކަރު ވިދާޅުވެއްޖެ އެވެ.
އޭނާ މިހެން ވިދާޅުވީ ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސް (އެޗްއައިސީޑީޕީ)ގެ ދަށުން އަވަށްޓެރި އިންޑިއާގެ އެހީގައި ރާއްޖޭގައި ތަރައްގީގެ މަޝްރޫއު ހިންގުމުގެ ތިންވަނަ ފިޔަވަހި އިފްތިތާހުކޮށް، އެކަމާ ގުޅޭ އެއްބަސްވުމުގައި ސޮއި ކުރުމުގެ ކުރިން މިއަދު ދިއްލީގައި، ރާއްޖޭގެ ޚާރިޖީ ވަޒީރު، ޑރ. އަބްދުﷲ ޚަލީލާއެއް ބޭއްވި މަޝްވަރާ ބައްދަލުވުމަށްފަހު އެކްސްގައި ކުރެއްވި ޕޯސްޓެެއްގައެވެ.
އޭނާ ވިދާޅުވީ އެ ބައްދަލުވުމުގައި ދެގައުމުން އެއްގައުމު އަނެއްގައުމަށް ދޭ ތަރައްޤީގެ އެއްބާރުލުމާއި، އިޤްތިޞާދީ ގޮތުންނާއި ސަލާމަތާއި، ފިންޓެކް އަދި ދެގައުމުގެ ރައްޔިތުންގެ މެދުގައި އޮންނަ ގާތް ގުޅުމާ ބެހޭގޮތުން މަޝްވަރާކުރެވިފައިވާ ކަމަށެވެ. އަދި “ނެއިބަރހުޑް ފަސްޓް” ސިޔާސަތާއި ތަޞައްވުރާ އެއްގޮތްވާ ގޮތުގެ މަތިން، ރާއްޖޭގެ ކުރިއެރުމާއި ތަރައްގީއަށް އަބަދުވެސް އެއްބާރުލުން ދޭނެ ޤައުމެއްގެ ގޮތުގައި އިންޑިއާ ދެމިއޮންނާނެ ކަމަށްވެސް ވިދާޅުވިއެވެ.
ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސް (އެޗްއައިސީޑީޕީ)ގެ ދަށުން ރާއްޖޭގެ ރަށްރަށުގައި އަސާސީ ޚިދުމަތްތައް ގާއިމްކުމުގެ ގިނަ މަޝްރޫއުތަކެއް ހިންގާފައިވެއެވެ. މިއަދު ސޮއި ކުރި އެއްބަސްވުމާއެކު ފެށިގެން ގޮސްފައިވަނީ ގްރާސްރޫޓް ލެވެލްގައި ސީދާ ރައްޔިތުންނަށް މަންފާ ހޯދައިދިނުމުގެ މަގްސަދުގައި ޕްރޮޖެކްޓް ބޭސްޑް ކޯޕަރޭޝަންގެ ތިންވަނަ ފިޔަވައްސެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0