Read Time:1 Minute, 56 Second
ރާއްޖޭގެ ގައުމީ އެއާލައިނުން އެއާ ޝޯ އެއް ބާއްވަން ނިންމައި އެކަން އިއުލާންކޮށްފިއެވެ. މޯލްޑިވިއަން އިން ހާމަކޮށްފައިވާ ގޮތުގައި މި އެއާ ޝޯތައް ކުރިއަށްދާނީ މާލެ އުސްފަސްގަނޑު ސަރަހައްދާއި، ހުޅުމާލެ ފޭސް އެކެއް އަދި ފޭސް 2ގެ އިރުމަތީ ފަރާތު ބީޗު ސަރަހައްދުގައި އަންނަ ޖެނުއަރީ މަހުގެ 6 ވަނަ ދުވަހުގެ ހަވީރު 17:00 ގައެވެ.
ޖުމްލަ 30 މިނެޓަށް ކުރިއަށްދާ މި ހަރަކާތް ބާއްވަނީ، މޯލްޑިވިއަންގެ ފްލީޓަށް އަލަށް ގެންނަ އެއާބަސް އޭ330 މަރުކާގެ ބޮޑު މަތިންދާ ބޯޓަށް މަރުހަބާ ކިއުމުގެ ގޮތުންނެވެ. އޭ330 މަރުކާގެ މި ބޯޓު ބޭނުން ކުރާނީ މޯލްޑިވިއަން އިން ކުރާ ބައިނަލްއަގްވާމީ ދަތުރުތަކުގައި އެވެ. މި މަރުކާގެ ބޯޓުތަކުގައި 247 އާއި 277 އާ ދެމެދުގެ މިންވަރަކަށް މީހުން އުފުލުމުގެ ގާބިލްކަން ލިބިފައިވެއެވެ.
މޯލްޑިވިއަންގެ ފްލީޓާ މުޅިން އަލަށް ގުޅޭ މި މަރުކާގެ ބޯޓަށް މަރުހަބާ ކިއުމަށްޓަކައި ބާއްވަން ހަމަޖައްސާފައިވާ އެއާޝޯ ބަލާލުމަށް އެ އެއާލައިނުން ވަނީ އެންމެނަށްވެސް ދައުވަތު އަރުވާފައެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0