Read Time:2 Minute, 14 Second
(ފޮޓޯ ކްރެޑިޓްސް: ވަގުތު)
ރައްޔިތުންގެ މަޖިލީހުގެ ރައީސް އަބްދުލްރަހީމް އަބްދުﷲ އިންޑިއާއަށް ދަތުރުފުޅު ކުރެއްވުމަށް ހަމަޖެހިއްޖެއެވެ. އިންޑިއާގެ ގާނޫނު ހަދާ މަޖިލީހަށް އެ ގައުމުގެ އެކްސްޓާނަލް އެފެއާޒްގެ ސްޓޭޓް މިނިސްޓަރު ޕަބިތުރާ މާގެރީޓާ ފޮނުއްވި ސިޓީއެއްގައި ވިދާޅުވީ ރާއްޖޭގެ ގާނޫނު ހަދާ މަޖިލީހުގެ ވަފްދަކާއެކު މަޖިލީހުގެ ރައީސް އަބްދުއްރަހީމް އިންޑިއާއަށް ވަޑައިގެންނެވުމަށް ހަމަޖެހިފައިވާ ކަމަށެވެ. މި ދަތުރުފުޅު ކުރައްވަން ހަމަޖެހިފައިވަނީ ފެބްރުއަރީ 10، އިން 14 ގެ ނިޔަލަށެވެ. ރައްޔިތުންގެ މަޖިލީހުގެ ރައީސް އިންޑިއާއަށް ރަސްމީ ދަތުރުފުޅެއް ކުރައްވަން ހަމަޖެހިފައިވާއިރު، މިއީ މަޖިލިސް ރައީސް ކަމާއި ހަވާލުވުމަށްފަހު އިންޑިއާއަށް ކުރައްވާ ފުރަތަމަ ދަތުރުފުޅެވެ. އެހެން ނަމަވެސް މި ދަތުރުފުޅާ ގުޅޭ އެއްވެސް ތަފްސީލެއް މަޖިލީހުން ހާމަކޮށްފައެއް ނުވެއެވެ.
އަބްދުއްރަހީމް ވަނީ ދާދިފަހުން ސްވިޒަލޭންޑުގެ ޖެނީވާގައި ކުރިއަށްދިޔަ އިންޓަރ-ޕާލަމެންޓަރީ ޔޫނިއަން (އައިޕީޔޫ) ގެ 149 ވަނަ އެސެމްބްލީގައި ބައިވެރިވެވަޑައިގެންފައެވެ. އައިޕީޔޫ އަކީ 157 ގައުމުގެ މައްޗަށް އެކުލެވިގެންވާ ޖަމިއްޔާއެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0