Read Time:2 Minute, 39 Second
(ފޮޓޯ ކްރެޑިޓްސް: ވަގުތު)
މި މަހުގެ 12 ވަނަ ދުވަހު ދައުލަތުގެ ތިން މިނިސްޓްރީއެއް ރޯވެ ހިނގައިދިޔަ އަލިފާނުގެ ހާދިސާ ހާދިސާއާ ގުޅިގެން ކުރެވެމުންދާ ތަހުގީގުގައި، އިންޑިއާގެ ތަޖުރިބާކާރުންގެ ހާއްސަ ޓީމެއް ދިވެހި ފުލުހުންނާއެކު ހަރަކާތްތެރިވާން ފަށައިފިއެވެ. މިކަން ހާމަކޮށްފައިވަނީ ކޮމިޝަނަރ އޮފް ޕޮލިސް، ޝުޖާއު މީޑިއާތަކަށް ފޮނުއްވި މެސެޖެއްގައެވެ. އެ މެސެޖުގައި ކޮމިޝަނަރު ވިދާޅުވީ އިންޑިއާގެ ތަޖުރިބާކާރުންގެ ހާއްސަ ޓީމެއް ދިވެހި ފުލުހުންނާއެކު މިހާރު ހަރަކާތްތެރިވާން ފަށާފައިވާ ކަމަށެވެ.
މިމަހުގެ 12 ވަނަ ދުވަހު ހިނގައިދިޔަ އަލިފާނުގެ ބޮޑު ހާދިސާއާ ގުޅިގެން މިމަހުގެ 14 ވަނަ ދުވަހު ބޭއްވި ނޫސްވެރިންގެ ބައްދަލުވުމެއްގައި ކޮމިޝަނަރ ވަނީ، އެ ހާދިސާއާ ގުޅޭ ފުރިހަމަ ތަހުގީގެއް، ބޭރު ތަޖުރިބާކާރުންގެ ޓީމަކާ ގުޅިގެން ހިންގާނެ ކަމުގެ ޔަގީންކަން ދެއްވާފައެވެ. . އަމީނީ މަގު، ދިވެހިރާއްޖޭގެ އަޑު ކުރިމަތީގައި ހުންނަ ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީގައި ހިނގި އަލިފާނުގެ ހާދިސާގައި އެ ދެ ތަން ބޭނުން ނުކުރެވޭ ވަރަށް ވަނީ އަނދައިފައެވެ. އަދި އެ އިމާރާތާ ކައިރީގައި ހުންނަ ގްރީން ބިލްޑިންގައި ވެސް އަލިފާން ރޯވެފައިވެއެވެ. އެއީ އެންވަޔަރަމަންޓް މިނިސްޓްރީ އާއި އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ) ހިންގަމުން އަންނަ އިމާރާތެވެ. އެ އިމާރާތުގެ ބައެއް ވެސް އަނދާފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0