Read Time:4 Minute, 30 Second
(ފޮޓޯ ކްރެޑިޓްސް: ވަގުތު)
“ބިންވެރިޔާ” ސްކީމުގެ ދަށުން ގޯތި ހައްގު ނޫން ބަޔަކަށް ގޯތި ދިން ކަމަށް ތުހުމަތު ކުރެވޭ މައްސަލައިގައި ހިންގާ ތަހުގީގާ ގުޅޭ ހެކިތަކެއް ނައްތާލި ކަމަށް މިހާތަނަށް ފާހަގަނުވާ ކަމަށް އެސިސްޓަންޓް ކޮމިޝަނާ އޮފް ޕޮލިސް އަބްދުﷲ ޝަރީފް މިރޭ ވިދާޅުވެއްޖެއެވެ. މިދިޔަ ބުރާސްފަތި ދުވަހު ހައުސިން މިނިސްޓްރީ ހިންގަމުން ދިޔަ އިމާރާތުގައި ހިނގި އަލިފާނުގެ ހާދިސާއަކީ ބަޔަކު އަޑީގައި ތިބެގެން “ބިންވެރިޔާ” އާ ގުޅޭ ސައްހަ ނޫން ލިޔެކިޔުންތަކެއް ގެއްލުވާލަންވެގެން ކުރި ކަމެއް ކަމަށް މީސް މީޑިއާގައި އަޑު ފެތުރިފައިވެއެވެ.
މި މައްސަލަ މިހާ ބޮޑަށް ފެތުރުނީ އެޗްޑީސީގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދުގެ ބޭބެ އަދި އެމްޑަބްލިޔުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދު ހިމެނޭ ގޮތަށް ނުހައްގުން ގޯތި ދިން ކަމަށް ތުހުމަތުވާ މައްސަލައިގައި ފުލުހުން ޖިނާއީ ތަހުގީގެއް ފަށާފައި ވަނިކޮށެވެ. އިސްކަންދަރު ކޮށީގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ޝަރީފް ވިދާޅުވީ ޝަރީފް ވިދާޅުވީ، އަލިފާނުގެ ހާދިސާއާ އެޗްޑީސީއާ މިހާތަނަށް ގުޅުވޭކަށް ނެތް ކަމަށެވެ. އަދި ފުލުހުން ބޭނުންވި ހުރިހާ މައުލޫމާތެއް އެޗްޑީސީން ދީފައިވާ ކަމަށް އޭނާ ވިދާޅުވިއެވެ.
“އަޅުގަނޑުމެން ބޭނުންވާ ޑޮކިއުމެންޓެއް ހޯދުމަށް ޓަކައި ކުރާ މަސައްކަތުގެ ތެރޭގައި އަދި އެކަމާ ގުޅިގެން ޑޮކިއުމެންޓެއް ނުލިބޭނެ ކަމަށް ވެސް އަދި ފާހަގަ ކުރެވިފައެއް ނެތް،” ޝަރީފް ވިދާޅުވިއެވެ. އެޗްޑީސީން ހެކި ނައްތާލުމުގެ އެއްވެސް ކަމެއް ވެސް މިހާތަނަށް ފާހަގަވެފައި ނުވާ ކަމަށް ޝަރީފް ވިދާޅުވިއެވެ. “އަޅުގަނޑުމެން މިހާ ހިސާބަށް ބޭނުންވި ހުރިހާ މައުލޫމާތެއް ވަނީ ލިބިފައި،” ޝަރީފް ވިދާޅުވިއެވެ.
“ބިންވެރިޔާ” ސްކީމްގެ ދަށުން ގޯތި ނުލިބޭ ބަޔަކަށް އެޗްޑީސީން ގޯތިތަކެއް ދީފައިވާ ކަމަށް ބެލެވޭ މައްސަލައެއްގައި ފުލުހުން އިއްޔެ ވަނީ އެޗްޑީސީ އަށް ވަދެފައެވެ. އެ މައްސަލައިގައި ޕްރޮސެކިއުޓާ ޖެނެރަލް އައްބާސް ޝަރީފް ވަނީ، ބިންވެރިޔާގެ އިތުރުން ގެދޮރުވެރިޔާގެ މައްސަލައިގެ ވެސް އަވަސް ތަހުގީގެއް ހިންގައި، އެކަމާ ގުޅޭ މައުލޫމާތު ކޮންމެ ހަފުތާއަކު އެއް ފަހަރު ހިއްސާކުރުމަށް އަމުރު ކުރައްވައިފައެވެ. އެ އަމުރާ އެއްގޮތަށް ފުލުހުންނާއި އެންޓި ކޮރަޕްޝަން ކޮމިޝަން (އޭސީސީ) އިން ގުޅިގެން މިކަމާ ގުޅޭ ތަހުގީގު ވަނީ ފަށައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0