Read Time:2 Minute, 41 Second
އުއްތަމަ ފަނޑިޔާރު ޑރ. އަހުމަދު މުއުތަސިމް އަދުނާންގެ ސިއްޙީ ހާލެކޮޅު ދެރަވެ ފަރުވާދޭން ފަށައިފިއެވެ. އެމަނިކުފާނު އެޑްމިޓްކޮށްގެން ފަރުވާދެމުން ދަނީ ޓްރީޓޮޕް ހޮސްޕިޓަލުގައެވެ. މައުލޫމާތު އެނގޭ މީހަކު މީޑިއާތަކަށް މައުލޫމާތު ދެއްވަމުން ވިދާޅުވީ، ޑރ. އަހުމަދު މުއުތަސިމް އަދުނާނު ޗުއްޓީއަށް ބ.ފުޅަދޫއަށް ވަޑައިގެން އުޅުއްވަނިކޮށް އެމަނިކުފާނުގެ މައިބަނދައަށް އެރި ތަދަކާއި ގުޅިގެން އެމަނިކުފާނު މާލެ ވަޑައިގެން ފަރުވާ ހޯއްދަވަމުން ގެންދަވާ ކަމަށެވެ. އަދި އެމަނިކުފާނުގެ ހާލުކޮޅު މިހާރު ރަނގަޅުވަމުން އަންނަ ކަމަށްވެސް ވެއެވެ.
މިކަމާއި ގުޅިގެން ޓްރީޓޮޕް ހޮސްޕިޓަލުން އަދި ސްޕްރީމް ކޯޓުންވެސް އެއްވެސް އެއްޗެއް ވިދާޅެއް ނުވެއެވެ. އިނގިރޭސީ ވިލާތުގެ ޔުނިވާސިޓީ އޮފް ގްލަސްގޯ އިން ޓްރާންސްސިޝަނަލް ކޮމާޝިއަލް ލޯ އިން މާސްޓާސް އޮފް ފިލޯސޮފީ ހާސިލް ކުރައްވާފައިވާ މުއުތަސިމް އަދުނާން އަކީ ފެހި ގާނޫނު އަސާސީގެ ދަށުން ފުރަތަމަ 2010 ވަނަ އަހަރު، އެކުލަވާލި ސުޕްރީމް ކޯޓްގެ ފަނޑިޔާރެކެވެ. އެހެން ނަމަވެސް ރައީސް އަބްދުﷲ ޔާމީންގެ ސަރުކާރުގައި 2014 ވަނަ އަހަރު ސުޕްރީމް ކޯޓްގެ ފަނޑިޔާރުންގެ އަދަދު ހަތަކުން ފަހަކަށް މަދުކުރި އިރު، އޭނާ ވަނީ މަގާމުން ވަކިކޮށްފަ އެވެ.
އުއްތަމަ ފަނޑިޔާރަކަށް ޑރ. އަހުމަދު މުއުތަސިމް އަދުނާން އައްޔަން ކުރީ ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި 2019 ވަނަ އަހަރު ޑިސެންބަރު މަހުގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0