Read Time:2 Minute, 45 Second
(ފޮޓޯ ކްރެޑިޓްސް: ވަގުތު)
ރާއްޖޭގައި ހިމެނޭ ސިޔާސީ ޕާޓީތަކުގެ ތެރެއިން 10،000 މެމްބަރުން ހަމަވަނީ ފަސް ސިޔާސީ ޕާޓީއެއްގައި ކަމަށް އިލެކްޝަންސް ކޮމިޝަން (އީސީ) އިން ހާމަކޮށްފިއެވެ. އިލެކްޝަންސް ކޮމިޝަނުން “އެކްސް” ގައި ކުރި ޕޯސްޓެއްގައިވާ ގޮތުން އަންނަ އަހަރަށް ލަފާކޮށް ބަޖެޓް ފާސް ކުރި ދުވަހުގެ ނިޔަލަށް 10،000 މެމްބަރުން ހަމަވެފައިވާ ފަސް ސިޔާސީ ޕާޓީއަކީ އެމްޑީޕީ، އަދާލަތު ޕާޓީ، ޖުމްހޫރީ ޕާޓީ، މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) އަދި ޕީޕަލްސް ނެޝަނަލް ކޮންގްރެސް (ޕީއެންސީ) ކަމަށެވެ. މިއީ ސިޔާސީ ޕާޓީތަކުގެ ގާނޫނުގެ ދަށުން އަންނަ އަހަރު ބަޖެޓު ލިބޭނެ ފަސް ސިޔާސީ ޕާޓީއެވެ.
ބަޖެޓު ފާސް ކުރި ދުވަހު، ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގައި 10،000 މެމްބަރުން ހަމަވެއެވެ. އެކަމަކު، އެ ޕާޓީ މިހާރު އޮތީ އުވާލުމުގެ މަރުހަލާގައެވެ. ސިޔާސީ ޕާޓީތަކުގެ ގާނޫނު އޮންނަ ގޮތުން 10،000 މެމްބަރުން ހަމަވާ ޕާޓީތަކަށް ފައިސާ ދޭން ޖެހެއެވެ. އެއީ ދައުލަތުގެ ބަޖެޓުގެ %0.1 އެވެ. ފައިސާ ދޭނީ މެމްބަރުން ތިބި ނިސްބަތަށް ބަލައިގެންނެވެ. އެކަމަކު، މިހާތަނަށް އައިއިރު، އެ އަދަދުތައް ކަނޑައަޅާފައެއް ނުވެއެވެ.
އިލެކްޝަންސް ކޮމިޝަންގެ ދަފްތަރު މިހާރު އޮތް ގޮތުން އެންމެ މެމްބަރުން ގިނައީ އެމްޑީޕީގައެވެ. އެކަމަކު، އެ ޕާޓީ ވައްޓާލުމަށް ފަހު ޕީއެންސީން ވަނީ 75،000 މެމްބަރުން ހަމަކޮށްފައެވެ. ޕީއެންސީގެ މިހާރުގެ އަމާޒަކީ ކުރިއަށް ހުރި ދުވަސްތަކުގައި 100،000 މެމްބަރުން ހަމަކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0