Read Time:3 Minute, 28 Second
(ފޮޓޯ ކްރެޑިޓްސް: ރައީސް އޮފީސް)
ސައިބާ ކްރައިމްއާއި ގުޅުންހުރި އަމަލުތައް ކުށެއް ކަމުގައި ކަނޑައެޅުމަށް ޤާނޫނު އަށްހަ އިސްލާހުގެ ގެނައުމުގެ ބިލު ރައީސް ޑރ. މުހައްމަދު މުޢިއްޒު، މިއަދު ތަސްދީގު ކުރައްވައިފިއެވެ. މި ބިލަކީ، 2024 ޑިސެންބަރު 9 ވީ ހޯމަ ދުވަހު ބޭއްވެވި ރައްޔިތުންގެ މަޖިލީހުގެ 2024 ވަނަ އަހަރުގެ ތިންވަނަ ދައުރުގެ 58 ވަނަ ޖަލްސާއިން ފާސްކުރެއްވި ބިލެކެވެ.
އެ ބިލުގައި ވަނީ ސައިބާ ކްރައިމާ ގުޅުންހުރި 10 އަމަލަކީ ކުށެއްކަމުގައި ކަނޑައެޅުމަށް ހުށަހަޅާފައެވެ. އެގޮތުން ހުއްދަނެތި ކޮމްޕިއުޓަރުތަކަށް އެކްސެސްވުމާއި އިތުރު ކުށެއް ކުރުމަށް މަގުފަހިކުރުމުގެ ނިޔަތުގައި ހުއްދަނެތި ކޮމްޕިއުޓަރުތަކަށް އެކްސެސްވުމާއި ހުއްދަނެތި ކޮމްޕިއުޓަރު ޑޭޓާ އިންޓަސެޕްޓު ކުރުމާއި ހުއްދަނެތި ކޮމްޕިއުޓަރު ޑޭޓާއަށް އިންޓަފިއާކުރުމާއި ހުއްދަނެތި ކޮންޕިއުޓާ ސިސްޓަމަކަށް އިންޓަފިއާ ކުރުން އެއީ ކުށެއްގެ ގޮތުގައި ކަނޑައެޅުމަށް ބިލްގައި ހުށަހަޅާފައިވެއެވެ.
އަދި ނަހަމަގޮތުގައި ޑިވައިސްތައް ބޭނުންކުރުމާއި ސައިބާ ވަޔަލެންސްގެ އަމަލުތަކާއ ކޮމްޕިއުޓަރާ ގުޅުންހުރި ފޯޖަރީގެ އަމަލުތަކާއި ކޮމްޕިއުޓަރާ ގުޅުންހުރި އޮޅުވާލުމުގެ އަމަލުތަކާއި ކޮޕީރައިޓާ އެއާ ގުޅޭ އެހެނިހެން ހައްގުތަކަށް އަރައިގަތުމުގެ އަމަލުތަކަކީ ވެސް ކުށެއް ކަމުގައި ކަނޑައެޅުމަށް ބިލްގައި ވެއެވެ. ބިލްގައި ބުނެފައިވަނީ ކޯޓު އަމުރެއްގެ ދަށުން ނުވަތަ ގާނޫނަކުން ބާރު ލިބިގެން ދޫކޮށްފައިވާ ހުއްދައެއްގެ ދަށުން އެ ކޯޓު އަމުރުގައި ނުވަތަ ހުއްދައިގައި ބަޔާންކުރާ ގޮތުގެ މަތިން ކޮންޕިއުޓަރަކަށް, ޕްރޮގްރާމަކަށް, ޑޭޓާއަކަށް, އެއިން އެއްޗެއްގެ ވަކި ބަޔަަކަށް އެކްސެސްވުމަކީ އެއީ ކުށެއް ނޫންކަމަށެވެ.
މި ބިލް ރައީސް ތަސްދީގު ކުރެއްވުމާއި ގުޅިގެން މިއަދުން ފެށިގެން މި ގާނޫނަށް އަމަލު ކުރަން ވަނީ ފަށައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0