Read Time:3 Minute, 18 Second
ފޮޓޯ ކްރެޑިޓްސް: ސަރުކާރު
ރާއްޖެ ފުރިހަމައަށް ތަރައްގީވެފައިވާ ގައުމަކަށް 2040 ގައި ހެދުމަކީ ސަރުކާރުގެ ޕްލޭނެއް ކަމަށް ރާއްޖޭގެ ނައިބު ރައީސް ހުސެއިން މުހައްމަދު ލަތީފްގެ އަނބިކަނބަލުން އައިޝަތު އަފްރީން މުހައްމަދު ވިދާޅުވެއްޖެއެވެ. އަފްރީން މިހެން ވިދާޅުވީ އިޖުތިމާއީ އަދި އާއިލީ ތަރައްގީއާ ބެހޭ ވުޒާރާއިން ކުރިއަށްގެންދާ “އެމްޕަވަރިން ވިމެން ތުރޫ ޑިޖިޓަލް ޓްރާންސްފޮމޭޝަން” ޓްރެއިނިން ޕްރޮގްރާމް އިފްތިތާހު ކުރުމުގެ ރަސްމިއްޔާތު ޝަރަފްވެރިކޮށްދެއްވާ ވާހަކަ ދައްކަވަމުންނެވެ.
ރާއްޖޭގެ އިގްތިސާދީ ކުރިއެރުމާއި އާ އުފެއްދުންތައް ކުރިއެރުވުމުގައި މުހިއްމު ދައުރެއް ދިވެހި އަންހެން ވިޔަފާރިވެރިން އަދާކުރާކަމަށާއި ކޯވިޑް 19 ގެ ގޮންޖެހުންތަކާ ކުރިމަތިވި ނަމަވެސް ރާއްޖޭގެ އަންހެނުންގެ ފަސްޖެހުމެއްނެތި ހަގީގީ ވިޔަފާރިވެރިންގެ ގޮތުގައިވަނީ މަސައްކަތް ކޮށްފައިކަމަށް އެކަމަނާ ވަނީ ފާހަގަ ކުރައްވައިފައެވެ. އެކަމަނާ ސިފަކުރެއްވީ ޒަމާނުއްސުރެ ދިވެހި އަންހެނުންނަކީ ރާއްޖޭގެ މުޖުތަމައު ކުރިއެރުވުމުގައި މުހިންމު ދައުރެއް އަދާކޮށް، އަންނަން އޮތް ޖީލު ތަރުބިއްޔަތު ކުރުމުގައި އިސް ރޯލެއް އަދާކުރަމުން އަންނަ ބައެއްގެ ގޮތުގައެވެ.
އަންހެނުން މިހާ ބޮޑު ގުރުބާނީތަކެއް ވަމުންދާ ނަމަވެސް އެމީހުން ގިނައިން ފެނިގެންދަނީ ކުދި ކުދި މަގާމުތަކުން ކަމަށާއި މި ދުވަސްވީ މިންތީގެ ނަހަމަކަމަށް ރައީސުލްޖުމްހުރިއްޔާ ޑރ. މުޢިއްޒު މިވަނީ ނިންމުމެއް ގެނެސްދެއްވާފައިކަމަށް މެޑަމް އަފްރީން ވިދާޅުވިއެވެ. މީގެ އިތުރުން އަންހެން ވިޔަފާރިވެރިންނަށް ޚާއްސަކޮށްގެން މާލީ އެހީއާއި ލޯނު ދޫކުރުމަށް މި ސަރުކާރުން މުހިންމު މަސައްކަތްތަކެއް ކުރައްވަމުންގެންދަވާ ކަމަށް ވެސް ވަނީ ފާހަގަ ކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0