Read Time:2 Minute, 12 Second
ހދ. ކުރިނބީގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް މެމްބަރުން އިންތިހާބު ކުރުމަށް ބޭއްވި ބައި އިލެކްޝަން، ވެރިކަން ކުރާ ޕީއެންސީން ކާމިޔާބުކޮށްފިއެވެ. އިލެކްޝަންސް ކޮމިޝަން (އީސީ) އިން މާލެ އާއި ކުރިނބީގައި ބޭއްވި އިންތިހާބުގައި 327 މީހުން ވޯޓުލިއެވެ.
ކުރިނބީގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް އިންތިހާބުކޮށްފައިވަނީ ޕީއެންސީގެ މެމްބަރު ކަމަށްވާ އެ ރަށު، ވީނަސް ފާތުމަތު ނާފިޒާ އިސްމާއިލް އާއި އެ ރަށު އެ ރަށު ދޫގަސް، އީނާސް އާދަމާއި އެ ރަށު ފަލަކު، ރާނިޔާ މުހައްމަދެވެ. ބައި އިލެކްޝަންގައި ނާފިޒާ ވަނީ 165 ވޯޓު ހޯއްދަވައިފައެވެ. ރާނިޔާ 164 ވޯޓު ހޯއްދެވި އިރު، އީނާސް ވަނީ 163 ވޯޓު ހޯއްދެވިއެވެ. މި ކެންޑިޑޭޓުންނާ ވާދަކުރެއްވީ އެމްޑީޕީގެ ކެންޑިޑޭޓުން ކަމުގައިވާ އެ ރަށު ހަވާސާ، ފާތުމަތު ޝައިނާ އާއި އެ ރަށު ފެން ފިޔާޒުގޭ އިފާގާ އާދަމާއި އެ ރަށު ކަނީރުމާގޭ ފިރާޝާ އަލީއެވެ.
ބައި އިލެކްޝަންގައި ޝައިނާ އަށް ލިބުނީ 124 ވޯޓެވެ. އިފާގާ އަށް 153 ވޯޓު ލިބުނު އިރު، ފިރާޝާއަށް 127 ވޯޓު ލިބުނެވެ. ފަހަކަށް އައިސް، ރާއްޖޭގައި ބާއްވަމުން އަންނަ ބައި އިލެކްޝަންތައް ކާމިޔާބު ކުރަނީ ޕީއެންސީންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0