Read Time:4 Minute, 17 Second
ހައުސިންގ އާ ގުޅުންހުރި އެއްވެސް މައުލޫމާތެއް ގެއްލިފައިނުވާ ކަމަށާއި، ހައުސިންގ ލޯނުތަކާ ބެހޭ މައުލޫމާތުތައްވެސް ކްލައުޑްގައި ރައްކާކުުރެވިފައިވާކަމަށް ކޮންސްޓްރަކްޝަން މިނިސްޓަރ ޑރ އަބްދުﷲ މުއްތަލިބް ވިދާޅުވެއްޖެއެވެ.
މިނިސްޓަރ އެހެން ވިދާޅުވީ އަލިފާނުގެ ޙާދިސާއާ ގުޅޭގޮތުން މައުލޫމާތު ދެއްވުމަށް ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ. މިނިސްޓަރ ވިދާޅުވީ މިނިސްޓްރީތަކުގައި ހުރި ބައެއް ޑޭޓާ ގެއްލިގެން ގޮސްފައިވާކަމަށް ވާހަކަ ދެކެމުންދާ ކަމަށެވެ. އެހެން ނަމަވެސް “ފުދޭ ވަރެއްގެ” ގިނަ ޑޭޓާ ސްޓޯ ކުރެވިފައިވާ ކަމަށާއި އެތަކެތީގެ ބެކަޕް ނެގިފައި ހުރި ކަމަށް މިނިސްޓަރ ވިދާޅުވިއެވެ.
“އަޅުގަނޑުމެން އެސެސް ކުރަމުން މި ގެންދަނީ އަޅުގަނޑުމެން އަތުން މަދުވެގެން ދާނީ ކޮން އެއްޗިއްސެއްތޯ. އޭގެ ތެރޭގައި ރައްޔިތުންނާ ގުޅުންހުރި، ސީދާ ރައްޔިތުންނާ ގުޅުންހުރި ހައުސިންއާ ގުޅުންހުރި އެއްވެސް މައުލޫމާތެއް ގެއްލިފައި ނުވާ ކަމަށް، މިހާރު ވެސް އެބަ ހުރިކަން އަޅުގަނޑުމެންނަށް ޔަގީން ކުރެވޭ.” މިނިސްޓަރ ވިދާޅުވިއެވެ. އޭގެ އިތުރުން ލޯނުތަކުގެ ހުރިހާ މައުލޫމާތެއް ވެސް ނުގެއްލި، ކްލައުޑްގައި ހުރިކަމުގެ ޔަގީންކަން ދެއްވާ މުއްތަލިބް ވިދާޅުވީ ރައްޔިތުންނަށް ހިދުމަތް ދިނުމަށް ދޭން ބޭނުންވާ އެއްވެސް މައުލޫމާތެއް ގެއްލިފައި ނުވާ ކަމަށެވެ.
“އަޅުގަނޑުމެންނަށް ދައުލަތުގެ ވަރަށް ބައިވަރު މައުލުމާތު ތަކެއް ގެއްލިގެން ނޫން މިއުޅެނީ، އިރާދަ ކުރެއްވިއްޔާ އަޅުގަނޑުމެން ރައްޔިތުންނަށް ދޭން ބޭނުންވާ، ސަރުކާރު ކަންތަށް ކުރިއަށް ގެންދިއުމަށް ބޭނުންވާ އިންފޯމެޝަންތައް އަޅުގަނޑުމެންނަށް ރިކަވާ ކުރެވޭނެ، އެ އެއްޗެހިތައް އެވެއިލަބަލް ވާނެ އެހެންވީމަ އެކަމަށް ރައްޔިތުން އެކަމަށް އެހާބޮޑަށް ކަންބޮޑު ނުވުމަކީ ވަރަށް ބޮޑަށް އެދޭ ކަމެއް” މިނިސްޓާރ ވިދާޅުވިއެވެ.
މިވަގުތު 3 މިނިސްޓްރީގެ މަސައްކަތްތައް ކުރިއަށްދަނީ ދަރުބާރުގޭގައިކަމަށްވެސް މިނިސްޓަރ ވިދާޅުވިއެވެ. އަދި މިހާތަނަށް އައިއިރު އާންމު ޚިދުމަތްތައް މާދަމާއިން ފެށިގެން ފެށޭނެ އިންތިޒާމު ހަމަޖެއްސިފައިވާކަމަށް މިނިސްޓަރ ވިދާޅުވިއެވެ. މިނިސްޓަރ ވިދާޅުވީ، އަނދައިގެން އެ ދިިޔައީ އެތައް ބިލިއަން ރުފިޔާއެއްގެ މަޝްރޫއުތަކެއް ހިންގަމުންދިޔަ އޮފީހެއް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0