Read Time:2 Minute, 24 Second
(ފޮޓޯ ކްރެޑިޓްސް: ވަގުތު)
ބުރާސްފަތި ދުވަހު އަލިފާން ރޯވުމުގެ ސަބަބުން އަނދާ ހުލިވެފައިވާ ތިން މިނިސްޓްރީއެއްގެ މަސައްކަތް ދަރުބާރު ގެއަށް ބަދަލުކުރުމަށް ހަމަޖެހިއްޖެއެވެ. އަމީނީ މަގު، ދިވެހިރާއްޖޭގެ އަޑު ކުރިމަތީގައި ހުންނަ ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީގައި ހިނގި އަލިފާނުގެ ހާދިސާގައި އެ ދެ ތަން ބޭނުން ނުކުރެވޭ ވަރަށް ވަނީ އަނދައިފައެވެ. އަދި އެ އިމާރާތާ ކައިރީގައި ހުންނަ ގްރީން ބިލްޑިންގައި ވެސް އަލިފާން ރޯވެ ގެއްލުންތަކެއް ވިއެވެ. އެއީ އެންވަޔަރަމަންޓް މިނިސްޓްރީ އާއި އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ) ހިންގަމުން އަންނަ އިމާރާތެވެ.
އެ ތިން މިނިސްޓްރީގެ ހިދުމަތްތައް އަލުން ފެށުމަށް އެ މިނިސްޓްރީތަކުގެ ޚިދުމަތްތައް ވަގުތީގޮތުން ވަނީ މެދުކެނޑިފައެވެ. ސަރުކާރުގެ އޮފިޝަލަކު މިއަދު ވިދާޅުވީ އެ ވުޒާރާތައް ހިންގުން ވަގުތީ ގޮތުން ދަރުބާރު ގެއަށް ބަދަލު ކުރުމުގެ މަސައްކަތް ކުރަމުންދާ ކަމަށެވެ. އޮފިޝަލް ވިދާޅުވީ އެ މިނިސްޓްރީތަކުން ދޭ ހިދުމަތްތައް އާދިއްތަ ދުވަހުން ފެށިގެން ދަރުބާރު ގެއިން ދޭން ފެށޭވަރުވާނެ ކަމަށެވެ. އެ މިނިސްޓްރީތައް ދަރުބާރު ގެއަށް ބަދަލު ކުރުމުގެ މަސައްކަތް ކުރުމުގައި އެޗްޑީސީއިން ދަނީ އެހީތެރިކަން ފޯރުކޯށްދެމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0