Read Time:3 Minute, 59 Second
(ފޮޓޯ ކްރެޑިޓްސް: ވަގުތު)
މާލޭގައި ހުރި ތިން މިނިސްޓްރީއެއްގައި ހިނގި އަލިފާނުގެ ހާދިސާއާ ގުޅިގެން އެންމެ ބޮޑު އިސްކަމެއް ދެއްވީ އަލިފާންގަނޑު ނިއްވުމާއެކު އާއްމު ރައްޔިތުން ސަލާމަތުގެ އައްސޭރިއަށް ގެންދިއުމަށް ކަމަށް ޑިފެންސް މިނިސްޓަރު މުހައްމަދު ޣައްސާން މައުމޫން ވިދާޅުވެއްޖެއެވެ.
އަލިފާނުގެ ހާދިސާގައި ރޯވެފައިވަނީ ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީގެ އިތުރުން އެންވަޔަރަމެންޓް މިނިސްޓްރީގައެވެ. އަދި މާލޭ ސިޓީ ކައުންސިލްގެ ވައިޓަލް ރެޖިސްޓްރޭޝަންގެ އޮފީހުގައި ވެސް ވަނީ ރޯވެފައެވެ. އެ އޮފީހަކީ އުފަންވާ ކުދިން ރަޖިސްޓްރީކުރުމާއި އާބާދީއާ ބެހޭ މައުލޫމާތާއި ގެތަކުގެ ރަޖިސްޓްރީ ހުންނަ ތަނެވެ. އަލިފާނުގެ ހާދިސާގައި އެ އޮފީހުގައި ރޯވެ، މުހިންމު ލިޔެކިޔުންތަކެއް އަނދާފައިވެއެވެ.
އަލިފާން ނިއްވުމުގެ މަސައްކަތުގައި އެމްއެންޑީއެފުން އަދިވެސް ގެންދަނީ މަސައްކަތް ކުރަމުންނެވެ. އަލިފާން ރޯވި ސަރަހައްދުގައި ހުންނަވައި ދައުލަތުގެ މީޑިއާ “ޕީއެސްއެމް” އަށް ދެއްވި އިންޓަވިއުއެއްގައި ޣައްސާން ވިދާޅުވީ އަލިފާން ރޯވި ކަމުގެ މައުލޫމާތު ލިބުމާއެކު އެމްއެންޑީއެފްގެ ފަޔާ އެންޑް ރެސްކިއު ޓީމުން އަލިފާން ނިއްވުމުގެ މަސައްކަތް ފަށާފައިވާ ކަމަށެވެ.
އެގޮތުން އެންމެ ފުރަތަމަ ކަމަކަށް ކުރި މަސައްކަތަކީ ދުމުގެ އަސަރުކުރި ހިސާބުތަކުގެ ގޭގެ މީހުން ސަލާމަތުގެ އައްސޭރިތަކަށް ގެންދިއުން ކަމަށް ޣައްސާން ވިދާޅުވިއެވެ. ” ސަަބަބަކީ ވައި ހުރި ގޮތަށް އަލިފާން އިތުރަށް ފެތުރިދާނެތީ އެއްވެސް ފުރާނައަކަށް ގެއްލުން ލިބުމަކީ އެދޭނެ ކަމެއް ނޫން. އެމަސައްކަތް ނިމުނު އިރު އަލިފާންގަނޑު ހުރީ ފުދޭވަރަކަށް ބޮޑަށް ހިފާފައި. އަޅުގަނޑުމެން އަތުގައި ހުރި ހުރިހާ އިކުއިޕްމަންޓެއް ބޭނުންކޮށްގެން ކެނޑިނޭޅި މަސައްކަތްކުރަމުން މިގެންދަނީ.” ޣައްސާން ވިދާޅުވިއެވެ.
ޣައްސާން ވިދާޅުވީ އެމްއެންޑީއެފްގެ އަލިފާން ނިއްވާ ހުރިހާ އާލަތްތަކާއި އިތުރު މުވައްޒަފުންނާއެކުވެސް އަލިފާން ނިއްވުމުގެ މަސައްކަތް ކުރަމުންދާ ކަމަށާއި، އެމްއޭސީއެލްގެ ވެހިކަލްތައްވެސް އަލިފާން ނިއްވުމަށް ބޭނުން ކުރަމުންދާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0