Read Time:3 Minute, 22 Second
(ފޮޓޯ ކްރެޑިޓްސް: ވަގުތު)
ރޭ އިދިކޮޅު މައި ޕާޓީ އެމްޑީޕީން ޖަލްސާ ބޭއްވީ މަސްވެރިންގެ ބައިވެރިވުން ހޯދަން ކަމަށާއި ނަމަވެސް ހެޔޮވަރުގެ ބޮނޑިއެއް މަސްވެރިން އެމްޑީޕީއަށް ދީފައިވާ ކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު ވިދާޅުވެއްޖެއެވެ. އެކްސްގައި ކުރެއްވި ޕޯސްޓެއްގައި ޝުޖާއު ވިދާޅުވީ 10 ޑިސެމްބަރުގައި އެމްޑީޕީން ޖަލްސާ ބޭއްވީ ހިތުން މަސްވެރިން ބޮލަށް ޗިޕްޖަހާގެން މަސްވެރިންގެ ބައިވެރިވުން ހޯދުމަށް ކަމަށެވެ.
“އެކަމަކު ހެޔޮވަރުގެ ބޮނޑިއެއް މަސްވެރިން އެމްޑީއަށް ދީފި. މަސްވެރިންނަށް އެނގޭ ނުދެވޭވަރުގެ އަގެއް މަސްކިލޯއަކަށް ދޭނަމޭކިޔާ ދޮގުހެދީ އެމްޑީޕީ ސަރުކާރުންކަން. މަސްވެރިން މާސްމާޓް. ޗިޕެއް ނުޖެހޭނެ.” ޝުޖާއު ވިދާޅުވެފައިވެއެވެ. އިއްޔެއަކީ މަސްވެރިންގެ ދުވަސްކަމަށްވީއިރު، އެމްޑީޕީން ރޭގައި ވަނީ އެޕާޓީގެ ބޮޑު ޖަލްސާއެއް ކާނިވާ ސަރަހައްދުގައި ބާއްވާފައެވެ. ރޭގެ އެ ޖަލްސާގައި ކުރީގައި އިބްރާހިމް މުހައްމަދު ސޯލިހާއި އެމްޑީޕީގެ އިސް ލީޑަރުން ބައިވެރިވެފައިވެއެވެ.
ކާނިވާ ސަރަހައްދުގައި އެމްޑީޕީން ބޭއްވި “ޤާނޫނު އަސާސީގެ ދިފާއުގައި” ޖަލްސާގައި ވާހަކަފުޅު ދައްކަވަމުން ސޯލިހް ވިދާޅުވި ގޮތުގައި މިރޭގެ ޖަލްސާ ބޭއްވުމުގެ މަޤްސަދު ޖަލްސާ ފެށުމުގެ ކުރިން ހާސިލްވާން ފަށައިފިއެވެ. އެގޮތުން ރައީސް ޑރ. މުހައްމަދު މުއިއްޒު ވެވަޑައިގެންނެވި ވައުދުތައް އަޑުކިޔާފައި މި ދެތިން ދުވަހު ފުއްދާނެ ކަމުގެ ވައުދު ސަރުކާރުން ދަނީ ވެވަޑައިގަންނަވަމުން ކަމަށް ސޯލިހު ވަނީ ވިދާޅުވެފައެވެ.
ހަމައެއާއެކު މި ސަރުކާރުން އަމަލުކުރަމުންދާ ގޮތާއި މެދު ރައްޔިތުން ތިބީ ހިތްހަމަނުޖެހިފައިކަން ފާހަގަކުރައްވަމުން ސޯލިހު ވިދާޅުވީ މި ސަރުކާރުގެ ވެރިންނަށް ރައްޔިތުން މިހާރު އިތުބާރު ނުކުރާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0