Read Time:2 Minute, 40 Second
(ފޮޓޯ ކްރެޑިޓްސް: ވަގުތު)
ބޭންކް އޮފް މޯލްޑިވްސް (ބީއެމްއެލް) އިން 700 މިލިއަން ރުފިޔާ އޯވަރޑްރާފްޓެއް އާންމު އުސޫލުތަކާއި ހިލާފަށް ދޫކޮށްފައިވާ ކަމަށް ބުނެ އަދަދު ނޫހުގައި ލިޔެފައިވާ ހަބަރު އެ ބޭންކް އިން ދޮގުކޮށްފިއެވެ. މަސްވެރިންނަށް ދިނުމަށް މިފްކޯއަށް 700 މިލިއަން ރުފިޔާ އޯވަރޑްރާފްޓެއް އާންމު އުސޫލުތަކާއި ހިލާފަށް ދޫކޮށްފައިވާ ކަމަށް އެ ނޫހުން ލިޔެފައިވާ ހަބަރާއި ގުޅިގެން އެ ބޭންކް އިން މިރޭ ނެރުނު ބަޔާނެއްގައި ވިދާޅުވީ، އެ ބޭންކްގެ އިތުބާރު ގެއްލޭ ފަދަ ގޮތަށް ހަބަރު ޝާއިރުކޮށްފައިވާތީ އެކަން ކުށްވެރި ކުރާ ކަމަށެވެ.
ބީއެމްއެލް އިން ވިދާޅުވީ، ބޭންކުން ކަސްޓަމަރުންނަށް ހިދުމަތް ދެމުން އަންނަނީ ބޭންކިންގ ގާނޫނާއި އެ ގާނޫނުގެ ދަށުން ހެދިފައިވާ ގަވާއިދުތަކާއި އިންޓަރނޭޝަނަލް ބެސްޓް ޕްރެކްޓިސްތަކާއި އެއްގޮތްވާ ގޮތުގެ މަތީން ކަމަށެވެ. މިގޮތުން ބަލްކް ޓްރާންސްފާރގެ ހިދުމަތް ސަރުކާރުގެ އިދާރާތަކާއި ކުންފުނިތަކާއި އަމިއްލަ ކުންފުނިތަކާއި ވިޔަފާރިތަކަށް ދެމުން އަންނަނީ އާންމު އުސޫލުތަކާއި އެއްގޮތަށް ކަަމަށްވެސް އެ ބަޔާނުގައި ވެއެވެ.
“މި ބޭންކްގެ އެންމެ މަތީ މަސްލަހަތަކީ ޑިޕޮސިޓަރުންގެ ރައްކާތެރިކަމަށް ވީހިނދު ބޭންކުން އަބަދުވެސް އަމަލުކުރަމުންދާނީ ބޭންކުން އަމަލުކުރަމުންދާ ހަރުދަނާ އުސޫލުތަކާއި އެއްގޮތަށް ކަމުގެ ޔަގީންކަން މި ފުރުސަތުގައި އަރުވަމެވެ،”. ބީއެމްއެލްގެ ބަޔާނުގައި ވެއެވެ،
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0