Read Time:4 Minute, 24 Second
(ފޮޓޯ ކްރެޑިޓްސް: ވަގުތު)
އެކުވެރި އަރަބި އިމާރާތް (ޔޫއޭއީ)ގެ ވެރިރަށް އަބޫދާބީގެ ހޮސްޕިޓަލަކާއި، ތައިލެންޑްގެ ވެރިއަށް ބެންކޮކްގެ ދެ ހޮސްޕިޓަލަކުން އާސަންދަ ހިދުމަތް ދިނުމަށް ސޮއިކޮށްފިއެވެ. ތައިލެންޑާއި ޔޫއޭއީ އިން އާސަންދަ ލިބޭނެ ގޮތް ހަމަޖައްސަވާނެ ކަން ރައީސް ޑރ. މުހައްމަދު މުއިއްޒު އިއުލާން ކުރެއްވީ މިދިޔަ ޖެނުއަރީ މަހުގެ ތެރޭގައި ޗައިނާ އަށް ކުރެއްވި ދަތުރުފުޅު ނިންމަވާލެއްވުމަށް ފަހު ނޫސްވެރިންނާ ބައްދަލު ކުރައްވައި ދެއްކެވި ވާހަކަފުޅުގައެވެ.
އާސަންދަ އޮފީހުން ވިދާޅުވީ، އާސަންދައިގެ ދަށުން ހިދުމަތް ދިނުމަށް 3 ހޮސްޕިޓަލަކާއެކު އެއްބަސްވުމެއްގައި މިއަދު ސޮއިކުރެވިފައިވާ ކަމަށެވެ. އެއީ އަބޫދާބީ ބުރްޖީލް މެޑިކަލް ސިޓީ، ބެންކޮކްގެ ވޯރލްޑް މެޑިކަލް ހޮސްޕިޓަލް އަދި ބެންކޮކްގެ ބެންކޮކް ހޮސްޕިޓަލެވެ.
އާސަންދަ އޮފީހުން ވިދާޅުވީ، މި 3 ހޮސްޕިޓަލާއެކު އެއްބަސްވުމެއްގައި ސޮއިކުރެވުމުން އަންނަ އަހަރުގެ ޖެނުއަރީ 15 ވަަނަ ދުވަހުން ފެށިގެން ކަނޑައެޅޭ އުސޫލްގެ ތެރެއިން މި ހޮސްޕިޓަލްތަކަށް ފަރުވާއަށް ފޮނުވަން ފަށާނެ ކަމަށެވެ. ޗައިނާ ދަތުރުފުޅަށް ފަހު، ރައީސް ޑރ. މުއިއްޒު ވިދާޅުވީ އާސަނަދައިގެ ދަށުން މިހާރު ބޭސްފަރުވާ ކުރެވެނީ މަދު ގައުމަކުން ކަމަށާއި އެކަން ބަދަލުކޮށް މި ހިދުމަތް ފުޅާކުރުމަށް ނިންމާފައިވާ ކަމަށެވެ. އާސަންދަ ސްކީމްގެ ދަށުން ބޭސްފަރުވާއަށް ރާއްޖެއިން ބޭރަށް ބަލިމީހުން މިވަގުތު ފޮނުވަމުންދަނީ ހަމައެކަނި އިންޑިއާ އަދި ސްރީ ލަންކާއަށެވެ.
“އާސަންދައަކީ ހަމައެކަނި ވަކި ދިމާލަކުން އޮންނަ ވަކި ގައުމެއްގައި ހުންނަ މެޑިކަލް ފެސިލިޓީތަކަށް އެކަނި ގޮސްގެން ބޭނުންކުރެވޭ އެއްޗަކަށް ނަހަދާ އެއަށްވުރެ ފެންވަރު ރަނގަޅު ގައުމުތަކަށް ޔޫއޭއީ އަށާއި ތައިލެންޑަށް އިރާދަކުރެއްވިއްޔާ އާސަންދަ ފުޅާ ކުރާނަން،” ރައީސް ވިދާޅުވިއެވެ. އަދި ހަމައެއާއެކު ބޭސްފަރުވާއަށް އެ ގައުމުތަކަށް ދަތުރުކުރާއިރު ހުރުމާއި ކެއުން އަދި އެހެނިހެން ހަރަދުތައް ހިމެނޭ ގޮތަށް ކަންތައް ހަމަޖައްސާނެ ކަމަށް ރައީސް ވަނީ ވިދާޅުވެފައެވެ.
“އޭރުން ރާއްޖޭގެ ހެލްތު ފެސިލިޓީ ތަރައްގީ ވަންދެކަށް ދާނީ މިހާރު އެދާ ތަންތަނަށްވުރެ މާ ފެންވަރު ރަނގަޅު ދުބާއީ ކަހަލަ އަދި ބެންކޮކްގައި ހުންނަ ކަހަލަ ފެންވަރު ރަނގަޅު ހޮސްޕިޓަލްތަކަށް އެކަމޮޑޭޝަން އެކްސްޕެންސެސް ލިބިގެން އާސަންދައިން ކަވާވެގެން.” ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0