ފައްޔާޒް، ނިރުބަވެރިކަމަށް ހިތްވަރު ދެއްވި، މައްސަލަ ބަލަން ޖެހޭ: އަބްދުއްރަހީމް

Read Time:6 Minute, 11 Second

(ފޮޓޯ ކްރެޑިޓްސް: ވަގުތު)

ރާއްޖޭގެ ފުރަތަމަ ރައީސް މުހައްމަދު އަމީނަށް ހެދި ގޮތް، ރައީސް ޑރ. މުހައްމަދު މުއިއްޒަށް ހަދާފާނެ ކަމަށް ބުނެ އެމްޑީޕީގެ އެކްޓިވިސްޓަކު ދެއްކި ވާހަކައެއް ދިފާއުކޮށް އެމްޑީޕީގެ ޗެއާޕާސަން ފައްޔާޒް އިސްމާއިލް ވާހަކަ ދެއްކެވެމުން ރައްޔިތުންގެ މަޖިލިހުގެ ރައީސް އަބްދުއްރަހީމް އަބްދުﷲ ރައްދު ދެއްވައިިފއެވެ.

އެމްޑީޕީން އިއްޔެ ބޭއްވި ނޫސްވެރިންގެ ބައްދަލުވުމުގައި ފައްޔާޒް ވިދާޅުވީ “ރައްޔިތުންނަށް ދެރަ ދިނީމަ ހަދަން ޖެހޭނީ އަމީނަށް ހެދި ގޮތް” ކަމަށެވެ. އެހެން އޭނާ ވިދާޅުވެފައި އެމްޑީޕީގެ އެކްޓިވިސްޓަކު ދެއްކެވި ވާހަކައަށް އިޝާރާތް ކުރައްވައި އެ ވާހަކަ ދިފާއު ކުރައްވަމުންނެވެ. ފައްޔާޒު ވިދާޅުވި ގޮތުގައި ޕޯޑިއަމެއްގައި މީހަކު އެގޮތަށް ބުނެފައި ވަނީ މިހާރުގެ ރައީސަށް ނަސޭހަތެއް ދިނުމުގެ ގޮތުންނެވެ.

“ރައްޔިތުންނަށް ދެރަ ދިނީމަ ހަމަ މުހައްމަދު އަމީނަށް ހެދިހެން ހަދަންޖެހޭނީ. އެހެން ކޮން ގޮތެއްތޯ ހަދާނީ؟. އެެއީ ރާއްޖޭގެ ތާރީހު ދައްކާފައި އޮތް ހަގީގަތް. އަޅުގަނޑު ގަބޫލުކުރާ ގޮތުގައި ކުޅުދުއްފުށީ ޕޯޑިއަމްގައި އެ ބޭފުޅަކު އެހެން އެ ވިދާޅުވީ ރައީސުލްޖުމްހޫރިއްޔާއަކަށް މިއަދު ހުންނެވި ޑރ. މުއިއްޒަށް ނަސޭހަތުގެ ގޮތުން. އެހެން ވިޔަ ނުދޭށޭ އެ ބޭފުޅަކު ވިދާޅުވީ،” ފައްޔާޒު ވިދާޅުވިއެވެ.

މިއީ ކަނޑައެޅިގެން ޓެރަރިޒަމަށް ހިތްވަރުދިނުން. މިއީ ކަމާގުޅޭ މުއައްސަސާތަކުން ވަރަށް ސީރިއަސްކަމާއެކު ވަގުތުން ބަލަންޖެހޭކަމެއްކަމެއް.ޢަމުދުން އިދިކޮޅު ސިޔާސީ ޕާޓީގެ އެންމެ އިސް މަގާމުގައި ހުންނެވި ބޭފުޅަކު މިފަދަ ވާހަކައެއް ދެއްކުމަކީ އާދައިގެކަމެއްކަމަށް ބަލައިގެންނުވާނެ. pic.twitter.com/bVfzeBku5n

— Abdul Raheem Abdulla (@Banafsaa) December 9, 2024

އަބްދުއްރަހީމް “އެކްސް” ގައި ކުރެއްވި ޕޯސްޓެއްގައި ވިދާޅުވި ގޮތުގައި މިއީ މިއީ ކަނޑައެޅިގެން ނިރުބަވެރިކަމަށް ހިތްވަރު ދިނުމެވެ. މިއީ ކަމާގުޅޭ މުއައްސަސާތަކުން ވަރަށް ސީރިއަސްކަމާއެކު ވަގުތުން ބަލަން ޖެހޭ ކަމަށް ވެސް އަބްދުއްރަހީމް ވިދާޅުވިއެވެ.

“އިދިކޮޅު ސިޔާސީ ޕާޓީގެ އެންމެ އިސް މަގާމުގައި ހުންނެވި ބޭފުޅަކު މިފަދަ ވާހަކައެއް ދެއްކުމަކީ އާދައިގެކަމެއްކަމަށް ބަލައިގެންނުވާނެ.” ފައްޔާޒް ވިދާޅުވިއެވެ. އަމީނަށް ހެދި ގޮތް، ރައީސް ޑރ. މުއިއްޒަށް ހަދަން ޖެހޭ ކަމަށް އެމްޑީޕީގެ ޕޯޑިއަމްތަކުގައި ގޮވަމުން އަންނާތީ ގިނަ ބަޔަކު އަންނަނީ އެ ވާހަކަތަކަށް ރައްދު ދެމުންނެވެ. އަދި އެކަމަށް ގޮވާލާ އެންމެން ހައްޔަރުކޮށް މައްސަލަ ތަހުގީގު ކުރަން ދަނީ ގޮވަމުންނެވެ.

އަމީނަށް ހެދި ގޮތް، ރައީސް ޑރ. މުހައްމަދު މުއިއްޒަށް ހަދަން ޖެހޭ ކަމަށް ބުނެ އެމްޑީޕީގެ އެކްޓިވިސްޓަކު ދެއްކި ވާހަކައެއް ދިފާއުކޮށް އެމްޑީޕީގެ ޗެއާޕާސަން ފައްޔާޒް އިސްމާއިލް ވާހަކަ ދެއްކެވެމުން އެ މައްސަލަތައް ބެލުމަށް ގޮވާލައި ރައްޔިތުންގެ މަޖިލިހަށް މިއަދު ވަނީ ކުއްލި މައްސަލައެއް ވެސް ހުށަހަޅައިފައެވެ. ރާއްޖޭގެ ފުރަތަމަ ޖުމްހޫރިއްޔާގެ ފުރަތަމަ ރައީސް އަމީންގެ ވެރިކަން ނިމުމަކަށް ގެނައީ އޯގަސްޓް 30، 1953 ގައެވެ. އަމީން ސްރީލަންކާއިން އެނބުރި ވަޑައިގަތުމާ އެކު އޭރު އޭރުގެ އިދިކޮޅު ފަރާތްތަކުން އެމަނިކުފާނު ރަހީނުކޮށް ބޭންދީ ދޫނިދޫގައެވެ. އަމީން އަވަހާރަވީ ދޫނިދޫގައި ބަންދުކޮށްފައި ހުއްޓާ މާލެ ވަޑައިގެން ބަޣާވާތްކުރައްވަން އުޅުއްވި ކަމަށް ތުހުމަތުކޮށް ހަވަރު އެއްކޮށް، އަމީނަށް ދިން އަނިޔާވެރި ބޮޑެތި އަނިޔާތަކަށް ފަހުގައެވެ.