Read Time:2 Minute, 5 Second
(ފޮޓޯ ކްރެޑިޓްސް: ރައީސް އޮފީސް)
ފަތުރުވެރިކަމަށް ދޫކޮށްފައިވާ ރަށްތަކާއި ފަޅުތަކުގެ ތެރެއިން މަސައްކަތް ނުނިމި ގިނަ ދުވަސްވެފައިވާ ތަންތަނާމެދު ޢަމަލުކުރާނެ އައު ޤަވާޢިދެއް ފަތުރުވެރިކަމާބެހޭ ވުޒާރާއިން ވަނީ ޝާއިޢުކޮށްފައެވެ. މި ޤަވާޢިދުގެ ދަށުން، އެއްވެސް މަސައްކަތެއް ނުކޮށް 8 އަހަރަށްވުރެ ގިނަ ދުވަސްވެފައިވާ ތަންތަނުގެ އެއްބަސްވުން ވަގުތުން އުވާލެވޭނެއެވެ.
މިފަދަ ނުހެދި ހުރި 168 ތަނެއް ފާހަގަކުރެވިފައިވާއިރު، އެ ތަންތަނުން ދައުލަތަށް ލިބެންޖެހޭ 537 މިލިއަން އެމެރިކާ ޑޮލަރު ނުލިބިވާކަމަށް އެ ވުޒާރާއިން ބަޔާންކުރެއެވެ. މަސައްކަތް ކުރިއަށް ނުދާ ތަންތަން 4 ގިންތިއަކަށް ބަހާލައިގެން މައްސަލަ ހައްލުކުރުމަށް ހަމަޖެހިފައިވާއިރު، މަސައްކަތް ފަށާފައިވާ ފަރާތްތަކަށް އިތުރު ފުރުޞަތުތަކެއްވެސް ދިނުމަށް ވަނީ ކަނޑައަޅާފައެވެ. މި ފިޔަވަޅުތަކުގެ ސަބަބުން ހުއްޓިފައިވާ މަޝްރޫޢުތައް އަލުން ފެށި، ދައުލަތަށް ލިބެންޖެހޭ ޓެކުހާއި އާމްދަނީ އަނބުރާ ލިބުމުގެ އިތުރުން ވަޒީފާގެ ފުރުޞަތުތައް ފަހިވެ އިޤްތިޞާދަށް ކުރިއެރުން ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0