Read Time:2 Minute, 21 Second
(ފޮޓޯ ކްރެޑިޓްސް: އެމްއޭސީއެލް)
މިމަހުގެ 3 ވަނަ ދުވަހުގެ ނިޔަލަށް ދައުލަތަށް އާމްދަނީ އާއި ހިލޭ އެހީގެ ގޮތުގައި 28.73 ބިލިޔަން ރުފިޔާ ލިބިފައިވާއިރު، މިއީ ވޭތުވެދިޔަ އަހަރުގެ މި މުއްދަތާ އަޅާބަލާއިރު %6.2 ގެ ކުރިއެރުމެކެވެ. މާލީ ވުޒާރާގެ ތަފާސްހިސާބުތަކުން ދައްކާ ގޮތުގައި އާމްދަނީ އިތުރުވުމުގެ މައިގަނޑު ސަބަބަކީ ޓެކްސް އާމްދަނީ %8.5 އިތުރުވުމެވެ. މީގެ ތެރޭގައި ޓީޖީއެސްޓީ، އިމްޕޯޓް ޑިއުޓީ، ވިޔަފާރި މުދަލުގެ ޓެކްސް، ޖީއެސްޓީ އަދި ގްރީން ޓެކްސްއިން ލިބުނު އާމްދަނީ ހިމެނެއެވެ.
މި މުއްދަތުގައި ދައުލަތުގެ ޖުމްލަ ޚަރަދު ވަނީ %17 އިތުރުވެ، 30.86 ބިލިޔަން ރުފިޔާއަށް އަރާފައެވެ. މީގެ ތެރެއިން ރިކަރަންޓް ޚަރަދު %18.6 އަދި ކެޕިޓަލް ޚަރަދު %6.9 އިތުރުވެފައިވާއިރު، އެންމެ ބޮޑު ހޭދައެއް ހިނގާފައިވަނީ މުވައްޒަފުންގެ މުސާރައާއި އިނާޔަތްތަކަށާއި އިމާރާތް ކުރުމުގެ ދާއިރާއަށެވެ. މީގެއިތުރުން އާސަންދަ، ކައުންސިލް ގްރާންޓް އަދި ސަބްސިޑީއަށް ކުރި ޚަރަދުވެސް ވަނީ ފާހަގަކުރެވޭ މިންވަރަކަށް މައްޗަށް ގޮސްފައެވެ. ޚަރަދުތައް ބޮޑުވުމާ ގުޅިގެން ޕްރައިމަރީ ސާޕްލަސް ވަނީ %68.6 ދަށްވެ 1.27 ބިލިޔަން ރުފިޔާއަށް ތިރިވެފައި އަދި ޖުމްލަ ބަޖެޓުން ވަނީ 2.13 ބިލިޔަން ރުފިޔާގެ ޑެފިސިޓެއް ދައްކާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0