Read Time:1 Minute, 51 Second
ރާއްޖެ އިސްލާމްވިތާ 900 އަހަރު ފުރުން ފާހަގަކުރުމުގެ ގޮތުން ދެއްކެވި ވާހަކަފުޅުގައި، އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވީ، ރާއްޖެ މިހާ ދިގު މުއްދަތަކަށް އިސްލާމީ ޤައުމެއްގެ ގޮތުގައި ދެމިއޮތީ ރައްޔިތުންގެ ހިތްތަކުގައި ދީނަށް އޮތް ލޯތްބާއި، ދިވެހީންގެ އެއްބައިވަންތަކަމުގެ އިތުރުން ޤާނޫނު އަސާސީން އިސްލާމްދީން ވަރަށް ބޮޑަށް ހިމާޔަތްކޮށްފައިވާތީ ކަމަށެވެ. އަދި ފަންނާއި ސަޤާފަތާއި ތަރިކައާ ބެހޭ ވަޒީރު ހީނާ ވަލީދު ފާހަގަކުރެއްވި ގޮތުގައި، މީގެ މައިގަނޑު ސަބަބަކީ ރައްޔިތުން ވެރިންނަށް ކުރި އިޙުތިރާމާއި ކާބަފައިންގެ ފަރާތުން ފެނުނު އަދަބުވެރިކަމެވެ. ރާއްޖޭގެ އިސްލާމީ ތަރިކައާއި ވަހުދަތު ދަމަހައްޓައި، އަންނަން އޮތް ޖީލުތަކަށް މި އަގުހުރި ސިފަތައް ފޯރުކޮށްދިނުމުގެ މަޤުޞަދުގައި، މި މުނާސަބަތު ފާހަގަކުރުމަށް މުޅި އަހަރަށް ބަހާލައިގެން ޚާއްޞަ ހަރަކާތްތަކެއް ހިންގުމަށް ދެ ވުޒާރާއިން ދަނީ ރާވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0