Read Time:2 Minute, 48 Second
(ފޮޓޯ ކްރްޑިޓްސް: ބީބީސީ)
ސީރިޔާގެ އިދިކޮޅު ބާރުތަކުން ވަނީ ސީރިޔާ “މިނިވަން” ވެއްޖެކަމަށް އިޢުލާނުކޮށް، “އަނިޔާވެރިޔާ” ރައީސް ބަޝާރު އަލް އަސަދު ވަނީ ފިލައިގެން ގޮސްފައިކަމަށް ބުނެފައެވެ. މިއީ އަނދިރި ޒަމާނެއްގެ ނިމުމާއި އައު ޒަމާނެއްގެ ފެށުން ކަމަށް ހައިއަތު ތަޙްރީރު އައްޝާމް (އެޗްޓީއެސް) އިން ޓެލެގްރާމްގައި ބުނެފައިވެއެވެ. އަސަދުގެ ވެރިކަމުގެ ނިޒާމުގެ ދެބައިކުޅަ އެއްބައި ގަރުނުގެ ވެރިކަމުގައި ރަށުން ބޭރުކުރެވުނު ނުވަތަ ޖަލަށްލެވުނު މީހުންނަށް މިހާރު ގެއަށް އެނބުރި އާދެވޭނެކަމަށް ބަޣާވާތްތެރިން ބުނެއެވެ.
މިއީ “އައު ސީރިޔާ” އެއް ކަމަށާއި، އެއީ “އެންމެން ސުލްޙަވެރިކަމާއެކު ދިރިއުޅޭ އަދި ޢަދުލުވެރިކަން ނަގަހައްޓާ” ތަނަކަށް ވާނެކަމަށް އެޗްޓީއެސް އިން ބުނެފައިވެއެވެ. ދިފާޢީ މިނިސްޓްރީއާއި ސީރިޔާގެ ހަތިޔާރުއެޅި ބާރުތައް ހިމެނޭ މުހިންމު ސަރުކާރު އިދާރާތައް ހުންނަ، ދިމަޝްޤުގެ މެދުތެރޭގައިވާ ފާހަގަކޮށްލެވޭ ތަނެއްކަމަށްވާ އުމައްޔަދު ސްކުއެއަރގައި މިހާރު އުފާފާޅުކުރުމުގެ ހަފްލާތައް ފެށިފައިވާކަމުގެ ރިޕޯޓުތައް އެބަހުއްޓެވެ.
ސޯޝަލް މީޑިއާގައި ދައުރުވަމުންދާ ވީޑިއޯއެއްގައި ދައްކާ ގޮތުން މިއުޒިކް ގަދައަށް ޖަހަމުންދާއިރު، ގާތްގަނޑަކަށް ބާރަވަރަކަށް މީހުން ސިފައިން ދޫކޮށްލާފައި ދިޔަކަމަށް ބުނެވޭ ޓޭންކެއް ވަށައިގެން ޑާންސްކުރަމުންދެއެވެ. ސީރިޔާގެ ދިފާޢީ މިނިސްޓްރީގެ އިސްވެރިން ދިމަޝްޤުގައި ހުރި އެމީހުންގެ މައި އޮފީހުން ވަކިވެފައިވާކަމަށް ރިޕޯޓުކުރެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0