Read Time:1 Minute, 57 Second
(ފޮޓޯ ކްރެޑިޓްސް: އެމްޓީސީސީ)
ރާއްޖޭގެ އެކި ސަރަހައްދުތައް ތަރައްޤީކޮށް ނިމުމުން މާލޭގެ ތޮށްޖެހުމަށް ދާއިމީ ހައްލެއް ލިބޭނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. މާލެއަށް މީހުން ޖަމާވަނީ ގެދޮރުވެރިކަމާއި، ވަޒީފާ އަދި ތައުލީމީ ފުރުސަތުތައް ހޯދުމަށް ކަމަށްވާތީ، ރާއްޖެ ހަތް ސަރަހައްދަކަށް ބަހާލައިގެން އާބަން ސެންޓަރުތައް ތަރައްޤީކުރުމުގެ މަޝްރޫޢުތައް ސަރުކާރުން ވަނީ ފަށާފައެވެ. މި ސަރަހައްދުތަކުގައި ފެންވަރު ރަނގަޅު ހޮސްޕިޓަލްތަކާއި ބޭނުންވާ އެހެނިހެން ޚިދުމަތްތައް ޤާއިމްކުރުމުން މާލޭގައި ދިރިއުޅޭ މީހުން އަތޮޅުތަކަށް ބަދަލުވާން ފަށާނެ ކަމަށް ރައީސް ފާހަގަކުރެއްވިއެވެ. މީގެ އިތުރުން، މާލޭގެ ޕާކިންގ މައްސަލަ ހައްލުކުރުމަށްޓަކައި މިއަހަރު ތެރޭގައި ޕާކިންގ ބިލްޑިންގތަކުގެ މަސައްކަތް ފެށުމަށް ނިންމާފައިވާ ކަމަށާއި، ސަރުކާރުގެ އަމާޒަކީ މާލޭގެ މައްސަލަތަކަށް ވަށާޖެހޭ ދާއިމީ ހައްލެއް ހޯދައިދިނުން ކަމަށްވެސް އެމަނިކުފާނު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0