Read Time:1 Minute, 59 Second
މިފަހަރުގެ ފީފާ ވޯލްޑްކަޕަކީ ތާރީޚުގައިވެސް އެންމެ ބޮޑު އާމްދަނީއެއް ލިބުނު މުބާރާތެވެ. ފުރަތަމަ ފަހަރަށް 48 ޓީމު ބައިވެރިވި މި މުބާރާތުން ފީފާއަށް 13 ބިލިއަން ޑޮލަރުގެ އާމްދަނީއެއް ލިބިފައިވާއިރު، މީގެ ކުރިން 2022 ވަނަ އަހަރު ގަތަރުގައި ބޭއްވި މުބާރާތުން ލިބުނީ 7.6 ބިލިއަން ޑޮލަރެވެ. މި އާމްދަނީގެ ބޮޑުބައެއް ހިއްސާކުރަނީ ބްރޯޑްކާސްޓިން ރައިޓްސް، ސްޕޮންސަރޝިޕް އަދި ޓިކެޓް ވިއްކައިގެން ލިބުނު ފައިސާއެވެ.
ޓީމުތަކުގެ އަދަދު އިތުރުކުރުމުގެ މައިގަނޑު މަގުސަދަކީ ފީފާގެ މާލީ ހާލަތު ރަނގަޅުކޮށް މެމްބަރު ގައުމުތަކަށްދޭ އެހީ އިތުރުކުރުމެވެ. މި މުބާރާތުގައި ވާދަކުރި ޓީމުތަކަށް ޖުމްލަ 655 މިލިއަން ޑޮލަރު ބެހުމަށް ހަމަޖެހިފައިވާއިރު، ޗެމްޕިއަން ޓީމަށް 51 މިލިއަން ޑޮލަރު އަދި ރަނައަޕް ޓީމަށް 34 މިލިއަން ޑޮލަރު ލިބޭނެއެވެ. ފައިނަލް މެޗުގެ ޓިކެޓްތައް ބޮޑު އަގުގައި ވިކިފައިވާއިރު، މުބާރާތުގެ ޗެމްޕިއަން ޓީމަށް ދެނީ 18 ކެރަޓް ރަނުން ތައްޔާރުކޮށްފައިވާ، ގާތްގަނޑަކަށް 7 ލައްކަ ޑޮލަރުގެ އަގުހުރި ޓްރޮފީއެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0